ទាញយកកម្មវិធីតាមស្វែងរកសន្តិភាពគំរូ
មានសន្តិភាពជាមួយនឹងសម័យកាលបច្ចុប្បន្ន
វាពិតជាមានអារម្មណ៍ហាក់បីដូចជាមានការផ្ដាស់ប្ដូរមួយយ៉ាងធំ ក្នុងការចាប់ផ្ដើមគិតពីព្រះហឫទ័យស្រឡាញ់ ចិត្តមេត្តា និងភាពស្មោះត្រង់របស់ព្រះជារៀងរាល់ថ្ងៃ។ ក្នុងជីវិតដែលជាប់រវល់ច្រើន វាពិតជាសំខាន់ដែលយើងត្រូវការពារនូវពេលវេលាមួយចំនួន ទោះបីថា ពេលវេលានោះជាគ្រាចាប់ផ្ដើមនៃថ្ងៃរបស់យើង ឬក៏ជាពេលវេលាបញ្ចប់នៃថ្ងៃនោះហើយក៏ដោយ ដោយយើងនៅតែទូលសូមដល់ព្រះជាម្ចាស់ សម្រាប់អំណោយនៃភាពសុខសាន្ដ។
តាមសុភាសិតរបស់ប្រជាជនអាហ្រ្វិកថា:
ភាពស្ងប់ស្ងាត់លើកកម្ពស់ដល់សន្តិភាព ហើយជាមួយនឹងសន្តិភាព នោះនឹងនាំមកនូវសុខសុវត្ថិភាព។ ~ សុភាសិតអាហ្រ្វិកខាងកើត
ម៉ាថាយ 5:9 ចែងថា, "អ្នកណាកសាងសន្តិភាព អ្នកនោះមានសុភមង្គលហើយ ដ្បិតពួកគេនឹងមានឈ្មោះជាបុត្ររបស់ព្រះជាម្ចាស់!"
ជាព្រះពរមួយដ៏ធំនៅពេលយើងបានទទួលនូវអំណោយនេះ ដូច្នេះកុំទុកវាតែខ្លួនឯង តែត្រូវតែចេះចែករំលែក និងផ្ដល់ទៅដល់អ្នកដទៃផងដែរ។ ដើម្បីឱ្យអ្នកបានក្លាយជាមនុស្សដែលចេះផ្ដល់សន្តិភាព នៅក្នុងពិភពលោកដែលកំពុងតែត្រូវការនេះ។ យើងអាចធ្វើការនេះដោយអធិស្ឋានសុំឲ្យមានសន្តិភាពសម្រាប់អ្នកដទៃ សម្រាប់កន្លែងណាដែលមានជម្លោះ ឬកន្លែងណាដែលយើងមានការព្រួយបារម្ភ ហើយអធិស្ឋានសម្រាប់ប្រាជ្ញាដល់អ្នកដឹកនាំ ដែលនៅតំបន់មានជម្លោះ និងមានវិបត្តិសង្គ្រាមទាំងឡាយនោះ។
នៅក្នុងសុភាសិតអាហ្រ្វិកមួយទៀត ចែងថា:
បើប្រញ៉ាប់តែរហូត នោះអ្នកក៏មិនអាចជៀសផុតពីសេចក្ដីស្លាប់បាននោះដែរ ហើយទោះថាធ្វើអីមួយៗ យឺតៗ នោះក៏មិនធានាថានៅរស់រហូតដែរ។ ~ សុភាសិត របស់ អ៊ីបូ (Ibo)
អ្វីដែលល្អបំផុត គឺក្រុមជំនុំត្រូវចេះឈរជាទីកន្លែងដែលមានជីវិត និងត្រូវធ្វើជាអ្នក ដែលចេះផ្ដល់ការព្យាបាល ទីប្រឹក្សា និងកិច្ចផ្សះផ្សាតាមរយៈអង្គព្រះគ្រិស្ត។ សកម្មភាពរបស់អង្គការ Tearfund គឺផ្ដោតទៅលើវេទិការមួយ ដែលមានឈ្មោះថា Rhythms (ចង្វាក់ចលនា) មានសកម្មភាពជាច្រើន ដែលអ្នកអាចយកមកអនុវត្តបាននៅក្នុងជីវិតរស់នៅ ក្នុងនាមអ្នកជាអ្នកផ្ដល់នូវសន្តិភាព។
សកម្មភាព:
ចូរទៅសម្លឹងមើលមនុស្ស។ ចូរអធិស្ឋានឱ្យអស់មនុស្សប្លែកមុខ ជនបរទេស ដែលអ្នកមិនធ្លាប់ស្គាល់ ទាំងដឹងថា ពួកគាត់មិនមានអ្វីចម្លែក សម្រាប់ព្រះរបស់យើងនោះឡើយ។ ចូរអធិស្ឋានឱ្យពួកគាត់ ហើយត្រៀមបើកចិត្ដទទួលបទពិសោធន៍ពីក្ដីស្រឡាញ់របស់ព្រះ និងទទួលយកអារម្មណ៍នៃព្រះវត្តមានរបស់ព្រះ ដែលទ្រង់គង់នៅក្នុងគ្រប់កាលៈទេសៈទាំងអស់របស់ពួកគាត់ចុះ។
អត្ថបទគម្ពីរ
អំពីគម្រោងអាននេះ
អង្គការ TearFund ស្វះស្វែងរកការដឹកនាំពីព្រះជាម្ចាស់ នៅក្នុងរបៀបនៃការក្លាយជាអ្នកបញ្ចេញសំឡេងនៃសន្តិភាពយ៉ាងសកម្ម ជាអ្នកនាំការផ្សះផ្សាដល់ទំនាក់ទំនង និងជាតំណស្អិតរមួតក្នុងចំណោមសហគមន៍នានា នៅជុំវិញពិភពលោក។ ការសិក្សារយៈពេល ៧ ថ្ងៃ មានភ្ជាប់ជាមួយសកម្មភាព សម្រាប់នាំការជាសះស្បើយដល់ទំនាក់ទំនងរបស់អ្នកផ្ទាល់ និងធ្វើការអធិស្ឋានសម្រាប់ពិភពលោក ដែលយើងកំពុងរស់នៅ ដោយប្រើប្រាស់ប្រាជ្ញាដ៏ហូរហៀរ ដកស្រង់ចេញពីសុភាសិតរបស់ប្រជាជននៅទ្វីបអាហ្រិ្វក ដើម្បីជួយឱ្យយើងអាចស្វែងរកឃើញព្រះហឫទ័យរបស់ព្រះ សម្រាប់សន្តិភាពដ៏ពិតប្រាកដ។
More
