តាម​ស្វែង​រក​សន្តិ​ភាពគំរូ

មានសន្តិ​ភាព​ជាមួយនឹង​បរិស្ថាន​របស់​អ្នក 

ភាព​ភ័យ​ខ្លាច​អាច​លួច​យក​នូវ​ក្ដីសុខសាន្ដ​របស់​យើង។ តើ​អ្នក​ធ្លាប់​មើល​ព័ត៌មាន​ រួច​ហើយ​អ្នក​ចាប់​ផ្ដើម​ភ័យ​ញាប់​ញ័រ​ ដោយ​អ្នក​ឃើញ​ថា ពិភព​លោក​នេះ​ចាប់​ផ្ដើម​មាន​អំពើហិង្សា ​កាន់​តែ​ខ្លាំង​ឡើងៗ ដែរឬទេ? នៅកណ្ដាលភាពមហន្តរាយ​នៃ​ធម្ម​ជាតិ ការ​ផ្លាស់​ប្ដូ​អាកាសធាតុ និង​ភារវកម្ម​ ព្រះយេស៊ូ​ទ្រង់មិនផ្ទុំលក់ទេ ​ហើយ​ព្រះអង្គនៅកំពុងគំរាម​ភាព​ភ័យ​ខ្លាច ហើយ​នៅ​តែ​កំពុងបង្គាប់​ឲ្យ​យើង ចាប់យក​ជំនឿ ហើយកុំឱ្យ​ភ័យ​ខ្លាច។​

នៅ​ក្នុង​ពិភព​លោក​ដែល​រង្គោះ​រង្គើ និង​ពេញ​ដោយ​ភាព​ភ័យ​ខ្លាច វា​មើល​ទៅ​ហាក់​បីដូច​ជា​សុខស្រួលជាង ក្នុង​ការ​កសាង​សន្តិភាព​ នៅក្រោមជម្រកនៃ​​សុវត្ថិភាព ដោយ​ប្រឹងព្យាយាម​ស្វែង​រក​ខ្លឹម​សារ​នៃ​សន្តិភាព នៅក្នុងរូបយើងផ្ទាល់ តាមរយៈការខំប្រមែប្រមូល​ទ្រព្យ​សម្បត្តិ ភាព​ជោគ​ជ័យ ការសម្រេចការនានា និងជ័យលាភីផ្សេងៗ។ 

សុភាសិត​អាហ្រ្វិក:

ទ្រព្យ​ធន​ដែល​ជា​ធ្នាក់​ទាក់​ខ្លួនឱ្យជាប់ជាទាសករ នោះមិនមែនជាទ្រព្យសម្បត្តិទេ។. ~ យូរ៉ូបា-Yoruba

ក្ដី​សុខ​សាន្ដ​ដែល​ព្រះ​គ្រិស្ត​ប្រ​ទាន​មក ​គឺ​ពិត​ជាខុស​ និងចម្លែកពី​គេ​ណាស់។ ​ក្ដី​សុខសាន្ដ​នោះ ​ស្ថិត​នៅក្នុង​កណ្ដាល​ភាព​ឈឺចាប់ និងទុក្ខ​លំបាក។ ទ្រង់​មានបន្ទូល​ប្រាប់​យើង​ថា៖ «កុំ​ខ្លាច​អី គឺ​ខ្ញុំ​ទេតើ!»។ នៅ​គ្រាពេលអាហារ​ចុង​ក្រោយ ​ព្រះយេស៊ូ​បាន​មាន​បន្ទូល​ថ្លែងឡើងជាថ្មីទៀតថា៖ «កុំមានទុក្ខព្រួយ ឬ​ភ័យខ្លាច​ឡើយ»។

ព្រះហឫទ័យ​របស់​ព្រះ​ចំពោះ​យើង គឺចង់ឲ្យ​យើង​រស់​នៅ​ដោយ​មិន​ចាំបាច់​ភ័យ​ខ្លាច ប៉ុន្តែ​យើង​មិន​អាច​ធ្វើវា​បាន​ទេ ប្រសិន​បើ​យើងគ្មាន​ព្រះជាម្ចាស់​នោះ​។ 

អង្គការ Tearfund ធ្វើការ​នៅ​ទីកន្លែង​ ដែល​ជួបរង​ទុក្ខ​លំបាកនៃគ្រោះមហន្តរាយ ដោយប្រឹង​ដើរ​តាម​ព្រះគ្រិស្ត​ គឺទៅដល់ទី​កន្លែង​ណា ​ដែល​មាន​តម្រូវ​ការ​ខ្លាំង​បំផុត។ សូម​មើល វីដេអូនេះ ដើម្បីបាន​ឃើញ​ពី​សកម្ម​ភាព​របស់ អង្គការ Tearfund នៅ New Zealand ក្នុងការឆ្លើយ​តប​ទៅកាន់ការ​ត្រាស់​ហៅ​ ដើម្បី​នាំ​សន្តិភាព​មក​ដល់ផែនដី​នេះ។ 

សកម្ម​ភាព: 

សូម​មើល​ពីខ្សែ​ព័ត៌មាន បន្ទាប់​ពីមើលរួច​ហើយ ​សូម​បិទ​ទូរទស្សន៍ ដាក់​កាសែត​ចុះ ហើយបិទ​សំឡេងវិទ្យុ។ ចូរ​អធិស្ឋាន​ទៅដល់​ព្រះជាម្ចាស់ ​អំពី​ស្ថានភាពទាំងប៉ុន្មាននេះ ហើយទូលសូមព្រះអង្គ សូមទ្រង់បាននាំក្ដីសុខសាន្ដ សន្តិភាពរបស់ព្រះអង្គ មកដល់គ្រប់ផ្នែក និងស្ថានការណ៍នានា ​ដែល​អ្នក​បានមើល និងបាន​ស្ដាប់ រួចហើយទាំងនេះ។