ទាញយកកម្មវិធីតាមស្វែងរកសន្តិភាពគំរូ
មានសន្តិភាពចំពោះអតីតកាល
ការស្វែងរកសន្តិភាពជាមួយនឹងអតីតកាល អាចជាកិច្ចលំបាកបន្តិច ដោយព្រោះថា ការសម្រេចចិត្តកន្លង ធ្លាប់ជាអ្វីដែលអ្នកមានវប្បដិសារីក្នុងការប្រព្រឹត្ដ ឬក៏ជាទង្វើដែលអ្នកត្រូវចេះអត់ឱនទោស ទៅដល់មនុស្សដែលបានធ្វើខុសចំពោះរូបអ្នក។ វាជារឿងសំខាន់ ដែលអ្នកត្រូវតែដោះស្រាយ ចំពោះអតីតកាលរបស់អ្នក ដើម្បីកុំឲ្យវាមានសិទ្ធិអំណាចទៅលើបច្ចុប្បន្នកាល និងអនាគតកាលរបស់អ្នក។ ចូរអ្នកសាកគិតលមើល វាប្រៀបបានដូចជារឿងជិះកង់ អ៊ីចឹង។ បើអ្នកគិតតែពីមើលទៅក្រោយ ឬផ្ដោតចិត្ដតែទៅខាងក្រោម នោះអ្នកប្រាកដជាជិះទៅបុកអ្វីមួយជាមិនខានហើយ។ វាជារឿងសំខាន់ ដែលអ្នកត្រូវតែសម្លឹងមើលទៅមុខ ហើយដាក់ចិត្ដ ចំពោះអ្វីដែលព្រះជាម្ចាស់កំពុងតែធ្វើនោះវិញ។
វិធីដ៏សំខាន់មួយដែលអាចបង្កើតសន្តិភាពជាមួយនឹងអតីតកាលដែលឈឺចាប់របស់អ្នកបាន នោះអ្នកត្រូវតែជ្រើសរើសយកផ្លូវនៃការអត់ឱនទោស។ ពេលអ្នកអត់ទោសដល់នរណាម្នាក់ ដែលបានធ្វើឲ្យអ្នកឈឺចាប់ នោះមិនមែន មានន័យថាអ្នកយល់ស្របជាមួយនឹងអ្វីដែលបានកើតឡើងនោះទេ។ ជួសវិញ នោះវាមានន័យថា អ្នកបានអនុញ្ញាតឲ្យជីវិតរបស់អ្នក អាចមានដំណើរឆ្ពោះទៅមុខ ទៅវិញទេ។ អតីតកាលដ៏ស្រស់ត្រកាលរបស់អ្នកក្លាយទៅជារឿងពីរ៖ ទីមួយ គឺថា អ្នកបានរៀនអំពីវា ហើយមួយទៀត គឺថា អ្នកបានមានដួងចិត្ដរីករាយជាមួយនឹងជីវិត ដែលព្រះជាម្ចាស់បានប្រទានដល់រូបអ្នក។
តាមសុភាសិតអាហ្រ្វិក នោះចែងថា៖
«នៅពេលមានសន្តិភាពនៅក្នុងស្រុក នោះមេស្រុកមិនចាំបាច់កាន់ខែលតាមខ្លួនទេ»។. ~ សុភាសិត របស់ យូហ្កាន់ដា
សន្តិភាព និងការផ្សះផ្សា គឺជាដំណើរនៃការព្យាបាល ដែលអង្គការ Tearfund បានទទួលពរ និងមានចំណែកចូលរួម នៅក្នុងព័ន្ធកិច្ច។ នៅត្រង់នេះ មានរឿងរ៉ាវមួយអំពីប្រទេសរ៉ូវ៉ាន់ដា ដែលជារឿងថ្លែងបង្ហាញពី របៀបនៃការអត់ឱនទោស ដែលបានធ្វើការព្យាបាល ទោះបីជារបួសនោះវាមានជម្រៅជ្រៅប៉ុណ្ណាក៏ដោយ។
សកម្មភាព:
តើអ្នកធ្លាប់មានស្ថានភាពណា ឬកាលៈទេសៈណា ដែលអ្នកត្រូវកាន់ខែលការពារ (ឬការត្រៀមចិត្ដនិងអារម្មណ៍) ដោយសារតែកង្វះនៃសន្តិភាព ដែរឬទេ? ប្រសិនបើអ្នកមានចិត្ដក្លាហាន ចូរទៅឯទីកប់ខ្មោច ឬប៉ាឆាខ្មោច ហើយដើរកាត់ទីកន្លែងនោះ ដើម្បីទៅទទួលយកនូវអារម្មណ៍ និងទស្សនៈយល់ឃើញអំពី អតីតកាល បន្តិចលមើល។ មានតំបន់ផ្នូរខ្មោចខ្លះ គេនឹងមានចែងនូវឃ្លាអក្សរចុងក្រោយខ្លះៗ ដោយអ្នកនៅរស់ ដែលជាមនុស្សជាទីស្រឡាញ់របស់អ្នកចែកឋានទៅ។ មានឃ្លាខ្លះអ្នកនឹងឃើញមានពាក្យដូចជា «ទៅឱ្យបានសុខ / សូមឱ្យបានសុគតិភព / សូមឱ្យបានស្ងប់»។ ចូរផ្ដល់ដល់រូបអ្នកនូវពេលវេលា ដើម្បីឱ្យអ្នកអាចទម្លាក់រាល់ខែលការពារ ឬចិត្ដចាំតែរងការឈឺចាប់ចេញ ដោយអនុញ្ញាតឱ្យព្រះជាម្ចាស់ បានជួយឱ្យអ្នក ចេះបង្កើតសន្តិភាព ជាមួយនឹងរូបខ្លួនអ្នកផ្ទាល់ ប្រសិនបើរូបអ្នក មានវិប្បដិសារី ឬការមិនអត់ឱនទោសណាមួយ ដែលធ្លាប់មាននៅក្នុងអតីតកាលរបស់អ្នក នោះចុះ។
អត្ថបទគម្ពីរ
អំពីគម្រោងអាននេះ
អង្គការ TearFund ស្វះស្វែងរកការដឹកនាំពីព្រះជាម្ចាស់ នៅក្នុងរបៀបនៃការក្លាយជាអ្នកបញ្ចេញសំឡេងនៃសន្តិភាពយ៉ាងសកម្ម ជាអ្នកនាំការផ្សះផ្សាដល់ទំនាក់ទំនង និងជាតំណស្អិតរមួតក្នុងចំណោមសហគមន៍នានា នៅជុំវិញពិភពលោក។ ការសិក្សារយៈពេល ៧ ថ្ងៃ មានភ្ជាប់ជាមួយសកម្មភាព សម្រាប់នាំការជាសះស្បើយដល់ទំនាក់ទំនងរបស់អ្នកផ្ទាល់ និងធ្វើការអធិស្ឋានសម្រាប់ពិភពលោក ដែលយើងកំពុងរស់នៅ ដោយប្រើប្រាស់ប្រាជ្ញាដ៏ហូរហៀរ ដកស្រង់ចេញពីសុភាសិតរបស់ប្រជាជននៅទ្វីបអាហ្រិ្វក ដើម្បីជួយឱ្យយើងអាចស្វែងរកឃើញព្រះហឫទ័យរបស់ព្រះ សម្រាប់សន្តិភាពដ៏ពិតប្រាកដ។
More
