ទាញយកកម្មវិធីតាមស្វែងរកសន្តិភាពគំរូ
មានសន្តិភាពជាមួយមនុស្សដទៃ
មានក្រុមជំនុំខ្លះ គេមានសកម្មភាពមួយ ដែលពួកគាត់ហៅថា ការដោះដូរនៃសន្តិភាព ដែលការនេះជាសញ្ញាមួយបញ្ជាក់ពីក្ដីស្រឡាញ់ និងសាមគ្គីភាពរបស់គ្រិស្តបរិស័ទ ដែលបានរួបរួមនិងចែករំលែកក្នុងចំណោមអ្នកជឿព្រះទាំងឡាយ។ នៅពេលដែលយើងកាន់តែស៊ាំទាំនឹងទំនៀមទម្លាប់ វាអាចជាកត្តានាំឱ្យយើងភ្លេចនូវអត្ថន័យពិត ដែលប្រាប់ពីហេតុផលសម្រាប់ទង្វើនោះ។ សហគមន៍ដ៏រឹងមាំមួយ គឺជាសហគមន៍ ដែលមានសន្តិភាព ទាំងបានសាបព្រោះសន្តិភាពចូលទៅក្នុងជីវិតរបស់អ្នកដទៃបន្តទៀត។ ដោយគិតទៅលើកំនើននៃភាពឯកជន (ការគិតទៅលើអ្វីដែលជារបស់និងសម្រាប់ខ្លួនឯង) នៅក្នុងសង្គមរបស់យើង នោះជញ្ជាំងខែល ក៏កាន់តែសាងខ្ពស់ឡើងៗ ពិបាកសម្រាប់ឡើង ក្នុងខណៈដែលយើងព្យាយាមបង្ហាញពីក្ដីស្រឡាញ់ និងសន្តិភាពទៅដល់អស់មនុស្ស ដែលយើងមិនធ្លាប់ស្គាល់។
ការផ្ដល់សន្តិភាពទៅដល់មនុស្សដទៃ អាចជាសកម្មភាពដ៏ងាយៗ ហើយសាមញ្ញ ដូចជាការទៅសួរសុខទុក្ខចាស់ទុំ អ្នកជិតខាង នៅក្បែរៗអ្នក ឬផ្ដល់ជាទឹកដល់អ្នកដែលស្រេក ឬផ្ដល់ជាអាហារដល់ជនក្រីក្រ ឬក៏ជាការមើលថែដល់ក្មេងៗ។ ជួនកាល វាអាចជាការដែលអ្នកត្រូវចេះអត់ឱនទោសដល់នរណាម្នាក់ ដែលបានធ្វើខុសចំពោះរូបអ្នក ឬក៏ជាការពារដល់ជនដែលរងការសង្កត់សង្កិន ឬក៏ជាការធ្វើលើសពីការស្នើសុំ ឬក៏ជាការនិយាយសុំទោស សម្រាប់កំហុសឆ្គង។ សកម្មភាពទាំងនេះ ត្រូវតែចាក់ឫសនៅក្នុងជីវិតនៃការអធិស្ឋាន។ អធិស្ឋានសម្រាប់សន្តិភាពដ៏ពិត ហើយកសាងព្រះរាជ្យនៃព្រះជាម្ចាស់ នៅលើផែនដីនេះ។
សុភាសិតអាហ្វ្រិក៖
នៅពេលណាមានសន្តិភាពក្នុងស្រុក នោះមេភូមិ គាត់មិនចាំបាច់កាន់ខែលការពារទេ។ ~ សុភាសិតពីស្រុកយូហ្កាន់ដា
នៅពេលណា ព្រះមហាក្សត្រមានក្រុមទីប្រឹក្សាល្អ នោះទ្រង់នឹងគ្រងរាជ្យដោយភាពសុខសាន្ដ ។ ~ សុភាសិតពីស្រុកអាហ្សានទី
អង្គការ Tearfund មើលឃើញពីរឿងរ៉ាវពិត នៃការបំផ្លាស់បំប្រែ ហើយនិងការកសាងសន្តិភាព។ ចូរអានរឿងមួយ ពីដៃគូរបស់ អង្គការ Tearfund ដែលបានជួយសម្រាលរលកនៃភាពសម្អប់ មាននៅក្នុងសហគមន៍នៃប្រទេសនីហ្សេរីយ៉ា--Nigeria។
សកម្មភាព៖
តើអ្នកត្រូវការស្វែងរកសន្តិភាពជាមួយនឹងនរណាម្នាក់ដែរឬទេ? សូមធ្វើការណាត់ជួបនឹងគាត់ ហើយពន្យល់ ថាហេតុអ្វីបានជាអ្នកត្រុវការធ្វើបែបនេះ។ ចូរទូលសូមដល់ព្រះ សូមព្រះអង្គបង្ហាញអ្នកនូវរបៀបដែលអ្នកអាចផ្ដល់ក្ដីស្រឡាញ់និងការអត់ឱនទោស ដូចអង្គព្រះគ្រិស្ដ ដែរ។
អត្ថបទគម្ពីរ
អំពីគម្រោងអាននេះ
អង្គការ TearFund ស្វះស្វែងរកការដឹកនាំពីព្រះជាម្ចាស់ នៅក្នុងរបៀបនៃការក្លាយជាអ្នកបញ្ចេញសំឡេងនៃសន្តិភាពយ៉ាងសកម្ម ជាអ្នកនាំការផ្សះផ្សាដល់ទំនាក់ទំនង និងជាតំណស្អិតរមួតក្នុងចំណោមសហគមន៍នានា នៅជុំវិញពិភពលោក។ ការសិក្សារយៈពេល ៧ ថ្ងៃ មានភ្ជាប់ជាមួយសកម្មភាព សម្រាប់នាំការជាសះស្បើយដល់ទំនាក់ទំនងរបស់អ្នកផ្ទាល់ និងធ្វើការអធិស្ឋានសម្រាប់ពិភពលោក ដែលយើងកំពុងរស់នៅ ដោយប្រើប្រាស់ប្រាជ្ញាដ៏ហូរហៀរ ដកស្រង់ចេញពីសុភាសិតរបស់ប្រជាជននៅទ្វីបអាហ្រិ្វក ដើម្បីជួយឱ្យយើងអាចស្វែងរកឃើញព្រះហឫទ័យរបស់ព្រះ សម្រាប់សន្តិភាពដ៏ពិតប្រាកដ។
More
