ភ្លើងព្រះវិញ្ញាណ

ដោយមិនគិតពីនិកាយណាមួយ ការជ្រមុជក្នុងព្រះវិញ្ញាណបរិសុទ្ធ នោះគឺមានសម្រាប់ដល់អស់អ្នកជឿទាំងអស់។

ហើយថែមលើសពីនេះ ការជ្រមុជក្នុងព្រះវិញ្ញាណបរិសុទ្ធ គឺមានសម្រាប់អ្នកឥឡូវនេះ។ ព្រះអង្គសព្វព្រះទ័យឱ្យអ្នកបានបំពេញដោយភ្លើងរបស់ព្រះអង្គ។ ព្រះអង្គសព្វព្រះទ័យបំពេញចេស្ដាដល់អ្នកដោយព្រះវត្តមានរបស់ព្រះអង្គ ដើម្បីធ្វើការក្នុងអ្នក និងតាមរយៈអ្នក។

តើអ្នកជឿថាព្រះអង្គសព្វព្រះទ័យចង់បំពេញអ្នក ជាមួយនឹងព្រះវិញ្ញាណរបស់ព្រះអង្គ ដែរឬទេ? តើអ្នកជឿថាព្រះអង្គសព្វព្រះទ័យចង់បំពេញអ្នក ដោយភ្លើងព្រះវិញ្ញាណ ដែរឬទេ?

នៅក្នុង កិច្ចការ ២៖១-៤ យើងឃើញថាព្រះវិញ្ញាណបរិសុទ្ធបើកសម្ដែងអង្គទ្រង់តាមរយៈរូបកាយក្រុមជំនុំ ក្នុងខណៈពេលដែលពួកគេចាប់ផ្ដើមនិយាយជាភាសាដទៃ។

នៅក្នុង កិច្ចការ ៤៖១-៨ យើងឃើញថា សាវ័ក ពេត្រុស ដោយរួមដំណើរជាមួយនឹង សាវ័ក យ៉ូហាន ត្រូវបានគេដាក់ពួកគាត់នៅក្នុងគុក អស់មួយយប់ រួចគេយកពួកគាត់ទៅសួរចម្លើយ នៅចំពោះមុខសម្ដេចសង្ឃ អាណ ហើយនិងក្រុមគ្រួសាររបស់គាត់។ នៅពេលប្រឈមនឹងស្ថានភាពតានតឹង ព្រះគម្ពីរបានថ្លែងថា សាវ័ក ពេត្រុស បានបំពេញដោយព្រះវិញ្ញាណបរិសុទ្ធ!

ចុះប្រសិនបើព្រះសព្វព្រះទ័យចង់បំពេញយើងជាមួយនឹងព្រះវិញ្ញាណបរិសុទ្ធសម្រាប់បានជាសិរីល្អដល់ព្រះអង្គ នៅកណ្ដាលចំណោមទុក្ខលំបាករបស់យើង ប៉ុន្តែយើងមិនព្រមបើកចិត្ត នោះតើអ្នកគិតយ៉ាងណា? តើអ្នកត្រូវការផ្លាស់ប្រែអ្វីខ្លះ នៅក្នុងជីវិតនិងដួងចិត្តរបស់អ្នក ដើម្បីបើកទ្វារសម្រាប់ទទួលយកពីភ្លើងព្រះវិញ្ញាណនោះ?

នៅក្នុង ម៉ាថាយ ៣៖១១-១៧ មុនថ្លែងពីរឿងដែលព្រះយេស៊ូវទទួលពិធីជ្រមុជទឹក ដោយ លោក យ៉ូហានបាទីស្ត នោះ លោក យ៉ូហាន បានថ្លែងពីការជ្រមុជ ដែលមានព្រះចេស្ដាជាងពិធីជ្រមុជទឹកទៅទៀត។ គឺមិនមែនជ្រមុជដោយទឹក ប៉ុន្តែ ដោយភ្លើងវិញ។ មិនមែនដោយដៃរបស់មនុស្ស ប៉ុន្តែ ដោយព្រះវិញ្ញាណបរិសុទ្ធ។

នៅក្នុងជំនឿដដែល ដែលអ្នកធ្លាប់មាន ដើម្បីឱ្យអ្នកបានកើតជាថ្មី គឺនៅក្នុងជំនឿចាំបាច់នោះដូចគ្នា ដែលនឹងអាចឱ្យអ្នកបានបំពេញដោយព្រះវិញ្ញាណបរិសុទ្ធ។ ព្រះអម្ចាស់សព្វព្រះទ័យចង់ជ្រមុជអ្នកដោយព្រះវិញ្ញាណបរិសុទ្ធ និងដោយភ្លើង!