ទាញយកកម្មវិធីអធិស្ឋានជាមួយចិត្តដ៏ស្ញប់ស្ញែងក្នុងរដូវណូអែលគំរូ
តោះចូរយើងអធិស្ឋាន៖
ព្រះបិតានៅឯស្ថានសួគ៌ សូមឱ្យព្រះបុត្រានៃទ្រង់ទទួលទីកន្លែងស្របច្បាប់ នៅក្នុងដួងចិត្តរបស់យើងខ្ញុំ ក្នុងគ្រាទន្ទឹងចាំពេលណូអែលនេះ។
នៅគ្រាដែលមនុស្សគិតតែពីគ្រឿងសម្ភារៈនានា នៅគ្រាទទួលកាដូ និងនៅក្នុងសង្គមដែលគិតតែពីចង់បានរបស់ នោះសូមឱ្យព្រះវត្តមាននៃព្រះបុត្រាដែលមានព្រះជន្មគង់នៅ បានរំឭកដល់យើងខ្ញុំពីភាពដ៏ថ្លៃថ្លារបស់ព្រះអង្គនៅក្នុងរាល់គ្រប់ការជប់លៀង កាដូ និងរាល់គ្រប់ទាំងការតុបតែងនិងរាល់ទាំងរូបតំណាងនៃគ្រាដ៏ពិសេសនេះ។
ព្រះអង្គមានវត្តមានមុននឹងរាល់អ្វីៗទាំងអស់បានបង្កើត ហើយព្រះអង្គក៏ប្រសើរជាងអ្វីៗទាំងអស់នោះ។ សូមព្រះអង្គបណ្ដាលឱ្យដួងចិត្តនៃយើងខ្ញុំបានរីកធំឡើងនៅក្នុងរដូវកាលនេះ ដោយគិតពីកាដូដែលជាអង្គព្រះគ្រីស្ទ ថាព្រះអង្គពិតជាទ្រព្យដ៏ធំមហាសាលរបស់យើងខ្ញុំមែន។
ទូលបង្គំសូមអធិស្ឋានដោយនៅក្នុងព្រះនាមដ៏ថ្លៃថ្លារបស់ព្រះអង្គ។ អាមែន។
អត្ថបទគម្ពីរ
អំពីគម្រោងអាននេះ
រឿងណូអែលមានហេតុការណ៍ភ្ញាក់ផ្អើលពីមួយរឿងទៅមួយរឿង។ ប៉ុន្តែរឿងលម្អិតខ្លះ បានធ្វើឱ្យអ្នកស្ដាប់ គាត់ស៊ាំ រហូតដល់ហេតុការណ៍ទាំងនោះបាត់បង់នូវឥទ្ធិពលរបស់វា។ សេចក្ដីអធិស្ឋានខ្លីៗ ក្នុងពេលវេលាស្មឹងស្មាធិ៍ជាមួយព្រះទាំងនេះ នឹងជួយដល់អ្នកឱ្យស្ថិតនៅក្នុងទីដ៏ជ្រាលជ្រៅនៃព្រឹត្តិការណ៍ ដែលអ្នកមិនធ្លាប់នឹកដល់ និងជាហេតុដ៏សំខាន់ក្នុងប្រវត្តិសាស្រ្ត គឺថា៖ ព្រះជាម្ចាស់ផ្ទាល់ បានក្លាយមកជាមនុស្សម្នាក់រួមជាមួយនឹងយើងរាល់គ្នា។ សេចក្ដីអធិស្ឋាននីមួយៗបានតាក់តែងដោយលោក ដាវីឌ ម៉ាធីស (David Mathis) ដែលជាអ្នកប្រតិបត្តិបោះពុម្ពរបស់ព័ន្ធកិច្ច ប្រាថ្នាចង់បានព្រះ (desiringGod.org) និងជាគ្រូគង្វាលនៅឯក្រុមជំនុំទីក្រុង (Cities Church) នៅក្នុងទីក្រុង សេន ផល (Saint Paul) នៃរដ្ឋ មីនីសូតា (Minnesota)។
More
