ទាញយកកម្មវិធីអធិស្ឋានជាមួយចិត្តដ៏ស្ញប់ស្ញែងក្នុងរដូវណូអែលគំរូ
តោះចូរយើងអធិស្ឋាន៖
ព្រះបិតានៅឯស្ថានសួគ៌អើយ ទូលបង្គំទូលសូមព្រះអង្គ សូមឱ្យគ្រាទន្ទឹងចាំថ្ងៃណូអែលនេះ នាំឱ្យយើងជ្រាបយ៉ាងជ្រៅនៅក្នុងដួងព្រលឹងនិងចិត្តពីអត្ថន័យនៃការយាងមករបស់ព្រះបុត្រារបស់ព្រះអង្គ។
ព្រះយេស៊ូវយាងមកមិនមែនសម្រាប់ការកម្សាន្តរបស់មនុស្សឡើយ។ ព្រះអង្គបានយាងមក ក៏មិនមែននាំឱ្យរឿងស្តាប់ទៅថាគ្រាន់តែជាហេតុដ៏អស្ចារ្យមួយនោះដែរ។
ព្រះអង្គយាងមក ដើម្បីស្ដារយើង ដែលជាអ្នកបះបោរប្រឆាំងនឹងព្រះជាម្ចាស់ ឱ្យបានជានានឹងគ្នា។ គ្រាទន្ទឹងចាំថ្ងៃណូអែល គឺជារឿងផ្ទាល់របស់យើងម្នាក់ៗ។
សូមព្រះអង្គនាំឱ្យយើងបានចូលទៅកាន់តែជិត ចំពោះព្រះហឫទ័យនៃព្រះគ្រីស្ទ ដែលតាមពិតទៅ ជាដួងចិត្តរបស់ព្រះអង្គ នាពេលសព្វថ្ងៃនេះ ហើយសូមឱ្យគ្រានៃការយាងមកដំបូងរបស់ព្រះអង្គ ក្លាយទៅជារឿងដ៏ពិតជាក់លាក់ និងអាចកាន់បាន នៅក្នុងជីវិតរបស់យើងខ្ញុំ។
ទូលបង្គំសូមអធិស្ឋាននៅក្នុងព្រះនាមព្រះយេស៊ូវ។ អាមែន។
អត្ថបទគម្ពីរ
អំពីគម្រោងអាននេះ
រឿងណូអែលមានហេតុការណ៍ភ្ញាក់ផ្អើលពីមួយរឿងទៅមួយរឿង។ ប៉ុន្តែរឿងលម្អិតខ្លះ បានធ្វើឱ្យអ្នកស្ដាប់ គាត់ស៊ាំ រហូតដល់ហេតុការណ៍ទាំងនោះបាត់បង់នូវឥទ្ធិពលរបស់វា។ សេចក្ដីអធិស្ឋានខ្លីៗ ក្នុងពេលវេលាស្មឹងស្មាធិ៍ជាមួយព្រះទាំងនេះ នឹងជួយដល់អ្នកឱ្យស្ថិតនៅក្នុងទីដ៏ជ្រាលជ្រៅនៃព្រឹត្តិការណ៍ ដែលអ្នកមិនធ្លាប់នឹកដល់ និងជាហេតុដ៏សំខាន់ក្នុងប្រវត្តិសាស្រ្ត គឺថា៖ ព្រះជាម្ចាស់ផ្ទាល់ បានក្លាយមកជាមនុស្សម្នាក់រួមជាមួយនឹងយើងរាល់គ្នា។ សេចក្ដីអធិស្ឋាននីមួយៗបានតាក់តែងដោយលោក ដាវីឌ ម៉ាធីស (David Mathis) ដែលជាអ្នកប្រតិបត្តិបោះពុម្ពរបស់ព័ន្ធកិច្ច ប្រាថ្នាចង់បានព្រះ (desiringGod.org) និងជាគ្រូគង្វាលនៅឯក្រុមជំនុំទីក្រុង (Cities Church) នៅក្នុងទីក្រុង សេន ផល (Saint Paul) នៃរដ្ឋ មីនីសូតា (Minnesota)។
More
