មិនភ័យព្រួយសម្រាប់អ្វីទាំងអស់គំរូ

ព្រះយេស៊ូជួបរូបយើងនៅចំកណ្ដាលនៃភាពថប់ព្រួយបារម្ភរបស់យើង សូម្បីតែយើងមិនបានដឹង ឬមានអារម្មណ៍ថាទ្រង់នៅក្បែរយើងពីដំបូងក៏ដោយ។ ឆេលស៊ី ទទួលបទពិសោធន៍ ថប់បារម្ភ ខ្វល់ព្រួយ មុនដំបូង នៅពេលគាត់រៀនចប់ពីសកលវិទ្យាល័យ។ នេះជារឿងរបស់គាត់ ហើយនិងរបៀបដែលព្រះជាម្ចាស់ទ្រង់បាននាំគាត់ចេញពីទីងងឹត ទៅក្នុងភាពសុខសាន្ដរបស់ព្រះអង្គ។ 

អារម្មណ៍នៃភាពភ័យខ្លាច ទុក្ខព្រួយ និងការបាក់ទឹកចិត្ដ មិនស្រាកស្រាន្ដ បានកើតឡើងពិតៗ។ ខ្ញុំមិនអាចញ៉ាំ ដោយព្រោះរាល់ថ្ងៃ ខ្ញុំមានអារម្មណ៍ចង់ក្អួត។ ខ្ញុំគេងជាង ១២ ម៉ោង រៀងរាល់យប់ តែទោះយ៉ាងនេះក្ដី រាល់ព្រឹក ខ្ញុំដូចស្ថិតនៅក្នុងសង្គ្រាម ដោយគ្រាន់តែការខំប្រឹងព្យាយាម ដាស់ខ្លួនឯងឱ្យក្រោកចេញពីគ្រែ តែប៉ុណ្ណឹង ក៏ពិបាកយ៉ាងខ្លាំង។ ខ្ញុំជាប់វិលវល់ នៅក្នុងគំនិតខ្លួនឯង សឹងតែរាល់ថ្ងៃ រហូតដល់ខ្ញុំ មិននិយាយអ្វីទាំងអស់។ ខ្ញុំបានខំប្រឹងស្វែងរកជំនួយ ពីក្រុមគ្រួសារ គ្រូពេទ្យ អ្នកផ្ដល់ប្រឹក្សាយោបល់ គ្រូគង្វាល និងមិត្ដភក្ដិ ប៉ុន្តែ ថ្ងៃងងឹតទាំងប៉ុន្មានរបស់ខ្ញុំ មើលទៅប្រៀបបីដូចជាគ្មានថ្ងៃបញ្ចប់ទាល់តែសោះ។

យើងគ្រប់គ្នា សុទ្ធមានវិបត្តិ ថ្ងៃងងឹត គ្មានរស្មី។ ហើយថ្ងៃងងឹតទាំងប៉ុន្មាននោះ អាចមានរហូតជាច្រើនសប្ដាហ៍។ ឬច្រើនខែ។ ប៉ុន្តែ ប្រសិនបើអ្នកស្គាល់រឿងនៃថ្ងៃសុក្រដ៏ល្អ ដែលជាថ្ងៃព្រះយេស៊ូ បានថ្វាយជីវិតរបស់ទ្រង់ សម្រាប់រូបអ្នក នោះបងប្អូនអើយ អ្នកអាចដឹងបានថា មាននូវដំណឹងល្អ។ ថ្ងៃសុក្រនោះ ជាថ្ងៃដ៏ងងឹត ប៉ុន្តែ ថ្ងៃអាទិត្យ កំពុងតែមកដល់!

យើងមាននូវក្ដីសង្ឃឹមនៅក្នុងភាពងងឹត ហើយក្ដីសង្ឃឹមរបស់យើង មាននូវនាមមួយ។ នាមរបស់ទ្រង់ នោះគឺ អង្គព្រះយេស៊ូ។

ថ្ងៃដ៏ងងឹតបំផុតរបស់ខ្ញុំ នោះគឺស្ថិតនៅចំថ្ងៃ សុក្រ នៃខែកក្កដា នៅគ្រានោះឯង ដែលខ្ញុំ បានសម្រេចចិត្ដចុងក្រោយ ក្នុងការចូលទៅជិតនឹងព្រះអង្គ ប្រៀបបីដូចជាព្រះអង្គ បានចូលមកជិតរូបខ្ញុំ។ ខ្ញុំបានអធិស្ឋាន៖ 

ព្រះយេស៊ូ សូមជួយដល់ទូលបង្គំ ចេះបដិសេធចំពោះសេចក្ដីកុហក របស់ពួកមារ សត្រូវ (អារក្ស)។
ព្រះយេស៊ូ សូមជួយដល់ទូលបង្គំ ឱ្យអាចយកឈ្នះ លើចិត្ដថប់ព្រួយខ្វល់ខ្វាយ ដែលមាននៅក្នុងដួងចិត្ដរបស់ទូលបង្គំ។
ព្រះយេស៊ូ សូមជួយទូលបង្គំ ចេះទុកចិត្ដ ថាព្រះអង្គទ្រង់ជាព្រះ ហើយទ្រង់គ្រប់គ្រងលើរាល់អ្វីៗ។
ព្រះយេស៊ូ សូមជួយទូលបង្គំជឿថា ព្រះវិញ្ញាណ ដែលបានប្រោសទ្រង់ឱ្យមានព្រះជន្មពីក្ដីស្លាប់ ក៏រស់នៅក្នុងទូលបង្គំ។