#JESUS2019 - ពេលវេលាប្រចាំថ្ងៃជាមួយព្រះគំរូ

តើអ្នកមានអារម្មណ៍ថាឥឡូវនេះ អ្វីគ្រប់យ៉ាងល្អប្រសើរទេ? តើអ្នកមានអារម្មណ៍ថាដូចជារដូវក្តៅទេនៅក្នុងជីវិតអ្នក? ខ្ញុំផ្ទាល់ ចូលចិត្តរដូវក្តៅ។ ប្រហែលជាអ្នកធ្លាប់មានបទពិសោធន៍ដែលថានៅរដូវក្តៅ យើងងាយស្រួលក្នុងការចូលទៅកាន់ព្រះនិងការមានបំណងចិត្តចង់ចំណាយពេលជាមួយទ្រង់។ ខ្ញុំចង់មានន័យថា អ្វីគ្រប់យ៉ាងគឺដំណើរការល្អ ប៉ុន្តែវាមិនស្ថិតនៅក្នុងរដូវក្តៅរហូតនោះទេ ត្រូវទេ? ចុះរដូវដែលអ្នកមានអារម្មណ៍មួរម៉ៅ អារម្មណ៍ប្រែប្រួលនិងសើម? ប្រហែលនេះអាចជារដូវដែលអ្នកកំពុងស្ថិតនៅ ហើយប្រហែលជាជីវិតមិនដំណើរការរលូនសោះ។

នៅពេលណាចៀមត្រជាក់ឬឃ្លាន ពួកគេអាចចូលទៅក្រោលដើម្បីទទួលបានម្លប់និងអាហារ។ ក្រោលនោះក៏អាចការពារពីចចកនិងចោរផងដែរ។ ចៀមដែលមិនចូលទៅខាងក្នុងអំឡុងពេលរដូវរងារ ពេល ត្រជាក់ ដូចជាដាក់ខ្លួនឯងនៅក្នុងគ្រោះថ្នាក់ដូច្នោះដែរ។

ចៀមអាចចូលទៅក្នុងក្រោលពេលរដូវរងារ ដូចគ្នានឹងអ្នកដែរ អ្នកក៏អាចចូលទៅកាន់ព្រះជាម្ចាស់នៅពេលជីវិតជួបឧបសគ្គដូចគ្នា។ នៅពេលខាងក្រៅត្រជាក់ហើយអ្នកនៅគាំងនឹងរដូវរងារ អ្នកអាចចូលទៅកាន់ព្រះសម្រាប់ការលួងលោម និងភាពកក់ក្តៅគ្រប់ពេលវេលា។ តើឥឡូវនេះ អ្នកកំពុងស្ថិតនៅរដូវនេះមែនទេ? ដូច្នេះសូមក្រោកឡើងហើយចូលទៅកាន់ព្រះយេស៊ូ ដែលជាម្នាក់ដែលរៀបចំកន្លែងដែលអ្នកអាចសម្រាក ផ្តល់កម្លាំងនិងការលួងលោមមកកាន់អ្នក។ អ្នកអាចទទួលបានបទពិសោធន៍នៃការអត់ទោស ស្វែងរកការព្យាបាលនិងបំពេញដោយក្តីសង្ឃឹមជាថ្មី។ អ្នកជាកូនរបស់ព្រះ អ្នកអាចផ្ទេរបន្ទុកទាំងអស់របស់អ្នកទៅទ្រង់។

ជាញឹកញាប់ នៅពេលដែលយើងស្ថិតនៅក្នុងរដូវរងារ យើងអនុញ្ញាត្តិឲ្យសម្លេងរបស់មនុស្សមកធ្វើឲ្យយើងមានការភ័ន្តច្រឡំ ប៉ុន្តែចចកនិងចោរមិនអាចមានឱកាសយកឈ្នះព្រះយេស៊ូបានទេ។ សូមកុំរស់នៅដោយភាពគ្រោះថ្នាក់ ដោយការព្យាយាមឆ្លងកាត់ជីវិតតែម្នាក់ឯង។ ប្រសិនបើអ្នកចង់រស់នៅក្នុងភាពគ្រោះថ្នាក់ សូមបានធ្វើវាជាមួយកម្លាំងមកពីព្រះនិងបង្ហាញឲ្យចចកឃើញថានរណាជាមេ។

ហើយសូម្បីតែនៅក្នុងរដូវក្តៅ សូមធ្វើវាឲ្យក្លាយជាទម្លាប់ក្នុងការចូលទៅក្នុងក្រោលជាទៀងទាត់។ បើទោះបីជាចៀមត្រូវការចូលមកដើម្បីទឹកនិងអាហារ ព្រោះដោយសារតែអ្វីគ្រប់យ៉ាងដំណើរការល្អ មិនមែនមានន័យថាអ្នកមិនត្រូវការពេលវេលាជាមួយព្រះយេស៊ូដែរ។ ទម្លាប់ដែលអ្នកបានអភិវឌ្ឍន៍ក្នុងពេលវេលាល្អនឹងជួយទ្រទ្រង់អ្នកនៅពេលរដូវរងារមកដល់។ទ្វារទៅកាន់ព្រះយេស៊ូជាទ្វារដ៏ល្អបំផុតដែលអ្នកអាចដើរកាត់បាន។ ចចកនិងចោរមិនមែនបង្ហាញខ្លួនតែពេលរដូវរងារទេ សូមស្គាល់ថាក្រោលរបស់អ្នកនៅទីណា និងចូលទៅរកព្រះជាទៀងទាត់។

ការអនុវត្ត:

១.សូមស្វែងរកក្រុមមួយ ចែកចាយដួងចិត្តអ្នក សូមស្មោះត្រង់ជាពិសេសពេលនៅរដូវរងារ

២.សូមតេទៅរកមិត្តភ័ក្តិអ្នក នៅថ្ងៃនេះដើម្បីនិយាយពី”ពេលនៅក្នុងក្រោល” និងលើកទឹកចិត្តគ្នាទៅវិញទៅមកដើម្បីឲ្យពួកគេនៅតែបន្តទៅមុខ

René Wagner - ICF Leipzig