Ọdịda Anyị dị ka Ndị KraịstIhe Atụ

Ilenye Anya n’Ọdịda Anyị n’Ụzọ Oziọma

Mgbe Pita gwara Jizọs, sị, ‘Ọ bụrụgodị na mmadụ niile daa n’ihi Gị, M gaghị eme ya ma ọlị,’ ọ dabeere n’ike nke onwe ya na ezi ebumnobi ya imeri ọnwụnwa a dị oké njọ nke ime mmehie, ihe si ná ndabere Pita dabeere n’onwe ya pụta bụ ọdịda ya.

Otú ọ dị, ka ọnwa ole na ole gasịrị, juputa n’ike nke Mmụọ Nsọ, Pita guzoro n’ihu ndị isi okpukperechi ndị Juu niile. Mgbe ha gwara ya ka ọ kwụsị ikwusa oziọma, o ji obi ike gwa ha na ya ga-ahọrọ irubere Chineke isi kama irubere ha isi. Pita adaberezịghị n’ike nke ya na ezi ebumnobi ya nke mere o ji dabuo; ọ dabeere ugbu a n’ike nke Kraịst ahụ bilitere n’ọnwụ nyere ya site na Mmụọ Nsọ.

Nke a na-egosi anyị na mgbe ọnwụnwa nwere ike ibutere anyị mmehie na ọdịda chere anyị ihu, ga-akpọrịrị Onyenwe anyị n’ekpere, dabere n’ike ya iji wepụta anyị na ya.

Iji ghọọ Onye Kraịst, ihe mbụ anyị na-eme bụ ịkwere na ikwupụta na anyị adawo Chineke. Mana, ozugbo anyị ghọrọ Ndị Kraịst, ọ dị ka ihe ikpeazụ anyị chọrọ ime bụ ikweta na anyị ka na-ada. Ọ na-esiri anyị ike ikweta na mgbe ụfọdụ anyị na-adara otu mmehie ochie ahụ.

Ọ na-esiri anyị ike ikweta na etú anyị si eche echiche, maọbụ ihe anyị na-ele mgbe anyị nọ naanị anyị, maọbụ etú anyị si emeso ndị anyị kà ụfọdụ oge, na-egosi ọdịda anyị ibiru ndụ ka nkuzi anyi si dị, dị ka ndị Kraịst.

Maka ụfọdụ n’ime anyị, ikekwe anyị adawo n’ụzọ ndị ihere na-eme anyị nke ukwuu. Ma biko cheta nke a, na-adịghị ka Pita, ị nọghị n’ogige nnukwu onye nchụàjà. Biko cheta na anaghị ekpe gị ikpe, n’ihi na ekpere Kraịst ikpe maka gị.

Dịka Onye Kraịst, ị nọ ugbu a kwa ụbọchị n’ihu Chineke bụ onye bu ụzọ mara ọdịda gị, ma zọpụtakwa gị. Nke a bụ nnukwu ozi nke oziọma. Ị nwere ike ịnata site n’okwukwe mgbaghara nke bụ gị na Kraịst ma tụkwasị Onyenwe anyị obi, dịka Pita mere, iji gaa n’ihu n’ọrụ Ya kwa ụbọchị na ndụ gị site na Mmụọ Nsọ Ya, na-akpọta gị na ntozu okè nke mmụọ.

Ọ dị ezigbo mkpa ka anyị cheta na ọ bụ ezie na Chineke gbaghara anyị, ọdịda anyị nwere ike ịbịa site na oké ifufe nke nsogbu jikọtara ha. Ha nwere ike imebi aha anyị na mmekọrịta anyị na ndị ọzọ, ha nwekwara ike imebi ndụ anyị. Dị ka ihe atụ, akụkọ ndụ Pita dị na Baịbụl bụ ihe ndekọ nke ịgọnarị Onyenwe anyị ruo mgbe ebighị ebi. Ọdịda anyị na-eweda ezinụlọ anyị, anyị na-atọkwa ntọala ihe nlereanya ọjọọ nye ndị na-ele anyị anya, dị ka ụmụ anyị. Ọdịda anyị na-emekwa ka Iso Ụzọ Kraịst bụrụ aha ọjọọ n’etiti ndị na-ekweghị ekwe.

Ya mere, biko, anyị agaghị anwa anwa were mmehie na ọdịda egwuri egwu dị ka Ndị Kraịst, n’ihi na mgbe ọbụla anyị dara, dị ka Pita n’akụkụ a, n’otu ụzọ maọbụ ụzọ ọzọ, anyị onwe anyị na-agọnarị Onyenwe anyị.