Iji Atumanya Chere Ekeresimesi: Atụmatụ Ihe Ọgụgụ Nke Amụma Ọkwa Ọbịbịa Dị Ụbọchị IseIhe Atụ

Nkwa Udo

Ma mmụọ ozi ahụ sịrị ha: “Unu atụla egwù. M na-ewetara unu ozi ọma nke ga-eme ka mmadụ niile nwee ọṅụ dị ukwuu. Taa n'obodo Devid ka a mụụrụ unu Onye-Nzọpụta; ọ bụ Ya bụ Mezaya ahụ, Onye-nwe-anyị.” Luke 2:10-11 NIV

N’isiakwụkwọ anọ dị mkpirikpi nke Akwụkwọ Nsọ na-akọ akụkọ banyere Ekeresimesi, e kwuru, “unu atụla egwù” ugboro ise.

Udo dị ụkọ n'oge a mụrụ Jizọs. Mmekọrịta Meri na Josef nọkwa n'enwe nsogbu. E nwere ọgba-aghara ndọrọ ndọrọ ọchịchị. E nwere ụwa jupụtara n'ihe mgbu Onye Nzọpụta dị mkpa. Ọkwà ọ dị gị ka ihe n'eme ugbu a?

Ọmụmụ Jizọs bụ otu n’ime nzọụkwụ kacha mkpa na atụmatụ Chineke ịgbapụta ụwa. Ọbịbịa Jizọs bụ nrutu-aka n'ihe dị nnukwu mkpa gaje ime. Ọ bụ mmalite amụrụ site n'ihe dị kà njedebe ọjọọ n'enweghị olileanya.

Chineke zitere anyị Ọkpara Ya n'ihi na Ọ chọrọ ka anyị nweta udo Ya zuru oke. Ugbu a, kwụsịtụ wee chee echiche banyere otu akụkụ nke ndụ gị ọ dị gị mkpa ịrịọ Chineke ka O mee ka obi gị daa jụụ, dị nnọọ ka O meere Meri, Josef, na ndị ọzụzụ-atụrụ ahụ n’afọ ndị ahụ nile gara aga.

Ekpere Maka Udo:

Chineke,

Daalụ maka izitere anyị Ọkpara Gị, Onyeisi Udo.

Biko jiri udo Gị chekwaa obi m na uche m n'Ekeresimesi a. Ị mà ihe ndị niile n'enye m nsogbu site na nchegbu, obi ezughị okè, ma ọ bụ egwù.

Nyere m aka ka m tinye uche m na Gị, nyerekwa m aka ịnakweré ọnụnọ nke ịhụnanya Gị nke a na-ahụ anya.

Daalụ maka ilekọta m, na iso m n'alụ ọgụ nke ndụ m niile. Ọ dịghị mgbe Ị na-enye m mmụọ egwù, kama Ị na-ewetara m ndụ na udo.

Nyere m aka itọgbọ egwù m n'ihu Gị ma jiri obi m niile tụkwasị na Gị n'oge a.

N’aha Jizọs,

Amen.