Iji Atumanya Chere Ekeresimesi: Atụmatụ Ihe Ọgụgụ Nke Amụma Ọkwa Ọbịbịa Dị Ụbọchị IseIhe Atụ

Ụtọ Nke Olileanya

Ka e were ya na ọ bụ abalị dị jụụ gbará ọchịchịrị, gị nọrọ n’mbara ala nke atụrụ jupụtara ma gbaa ya gburugburu. Ozugbo, ìgwè ndị mmụọ ozi e wee pụta wee tie na ka afọ narị anọ nke ime nchere gasịrị, olileanya nke ụwa abịala—nwa ọhụrụ a na-akpọ Immanuel, “Chineke nọnyeere anyị.”

Ó nwere ike ịdị mfe ilekwasị anya n'ọnọdụ ma ọ bụ ahụmịhe siri ike, ọkachasị ihe nsogbu nke afọ gara aga. Mana Amụma-Ọkwa Ọbịbịa na-enye anyị ohere ịtụgharị uche ná nkwa Chineke na ilekwasị anya na Jizọs.

Oge a na-echetara anyị na anyị nwere ohere inweta otu olileanya ahụ ndị ọzụzụ-atụrụ ahụ nwere n’afọ ndị ahụ niile gara aga—n’ịmara na Chineke nke eluigwe na ala na-abịa anyị nso ịnụ akwa anyị na igwọ obi anyị.

N’agbanyeghị otú ọchịchịrị ahụ siri sie ike ma ọ bụ dị ịtụ ụjọ, anyị pụrụ ịtụkwasị obi nà nkwa niile e dere n’Okwu Chineke dị adị dị irè. Wepụta nwa oge, kwụsịtụ ma tụlee ikwesị-ntụkwasị-obi nke Chineke ka anyị na-adaberé na olileanya n'oge a.

Ekpere maka Olileanya:

Chineke,

Ka anyị n'erute oge Ekeresimesi nso, nyere m aka ka m kwụsịtụ wee cheta ihe niile Ị meworo na ndụ m, ezinụlọ m, na obodo m.

Ana m ekele Gị n’ihi na Ị bụ Chineke na-azọpụta. Ana m ekele Gị n'ihi na olileanya m dị n'ebe Ị nọ, ọ dịghị n'ọnọdụ m ma ọ bụ na ndị mmadụ.

N'ihi na m nwere olileanya na Gị, enwere m obi-ike na Ị ga-emezu nkwa niile Ị kwere m. Chetara m ihe bụ́ ya dị mkpa taa. Nyere m aka ịhụ ka Ị si na-arụ ọrụ n'etiti nchere m.

Mee ka m bịaruo Gị nso n’oge Ekeresimesi a, kwadokwaa obi m maka inata mmezu nke nkwa Gị niile.

N’aha Jizọs,

Amen.