N'echeré Gị Ebe A, Njem Olileanya Nke Amụma Ọkwa ỌbịbịaIhe Atụ

EBUBE N'ELU KASỊ ELU

NTỤGHARỊ UCHE

Chineke enweghị onye ha ka Ya. Ọ dịghịkwanu onye Ya na ya n'atụ aka. O nweghị ụkọ. O nweghị mkpa. Ọ nọ tupu ihe niile adị na mgbe ihe niile gabigachara ọ bụkwa naanị Ya kà ga-adị. Ụwa juputara na chi “obere c” mana Chineke anyị kerè eluigwe na ụwa. Ọ dịghị onye a ga-eji tụnyere Ya. Ma ọlị.

Ya mere ka ị nọ n'echere Ya ụbọchị taa, nye Ya otuto. Eleghị anya ọnọdụ gị dị ka ọ tụgharịrị isi kpudo ihu n'ala, mana ocheeze Ya dị ebe dị ukwuu dị mma, ebe i ga-esi nweta ngwọta niile ị chọrọ! Too Ya ka ị nọ n'eme ncheré. Bulie Ya elu ka ị n'eme ntụgharị uche. Ya mere, arịọlá Ya ọtụtụ ihe taa, naanị n'ebuli Aha Ya elu karịa aha niile. Ka Aha ahụ wetuo obi gị ala, na mee ka mkpụrụ obi gị daa jụụ. Ka otuto gị mechie ọnụ ihe niile na-alụ ọgụ inata isi-ala gị na ịhụnanya gị. Mgbe ị mere nke a, abụ gị nke si gị n'obi ga-ebugo echiche gị n'elu ebe kasị elu.

NTỤGHARỊ NKE IME OBI

Ebube N'Elu Kasị Elu

Ị bụ Onye Mbụ
Ị na-aga n’ihu
Ị bụ Onye Ikpeazụ
Onye-nwe-anyị, Ọ Gị bụ Onye a n'achọ ihe Ya mgbe niile
Aha Gị dị n’ìhè kà mmadụ niile hụ
Kpakpando nke eluigwe na-ekwupụta ebube Gị

Ebube n'elu kasị elu
Ebube n'elu kasị elu
Ebube n'elu kasị elu

Enweghị chi dị, ebe Ị bụ Chi
Ìhè nke ụwa niile
Kpakpando Ututu N'egbuke Egbuke
Aha Gị ga-eti kà anyanwụ ka ụwa niile hụ
Ị bụ Onye M bù n'obi
Ị bụ ebube m

Ọ dịghịkwanu onye a ga-eji
atụnyere Gị Onye-nwe-anyị
Ụwa nile ji otu olu n'ekwu . . .
Ebube n'elu kasị elu . . . dịrị Gị, Onye-nwe-anyị

Ụwa nile ga-abụ abụ otuto Gị
Ọnwa na kpakpando, anyanwụ na mmiri ozuzo
Mba niile ga-eji olu ike tie
Na Ị bụ Chineke na ọ bụ Gị ga-achị

Ebube, ebube halleluya
Ebube, ebube dịrị Gị, Onye-nwe-anyị
Ebube, ebube halleluya
Halleluya

Chris Tomlin, Matt Redman, Jesse Reeves, Daniel Carson, Ed Cash

EKPERE

Chineke m, gịnị ka m ga-agwa Gị? Ị nweghị onye ma ọ bụ ihe Gị na ya ha, ma ọ bụ onye Gị na ya na-atụ aka. Okwu m na echiche m niile dị ntakịrị ma e jiri ha tụnyere Gị. Ahụla m abalị jupụtará na kpakpando mana ọ pụghị ma ọlị iji wee tụnyere ebube Gị. Mee ka okwukwe m bawanye ma nye m okwu m ga-ekwu ka m n'akwado iso ịbụ abụ otuto n'enye Gị.

Otuto niile bụ nke Gị, ugbu a na ruo mgbe ebighị ebi. Aga m eje ije n'eziokwu ahụ ụbọchị taa. Aga m ekwere ya. Mee ihe n'ime ya. Buru ya uche ka m n'ekpe ekpere. Nye ihe site na nduzi ya. N'enye otuto dị ka ọ dịghị onye dị ka Gị. Amen!