N'echeré Gị Ebe A, Njem Olileanya Nke Amụma Ọkwa ỌbịbịaIhe Atụ

CHINEKE NA-ARỤ ỌRỤ KA ANYỊ N'EME NCHERÉ

NTỤGHARỊ UCHE

Ọ bụrụ na anyị ga-ekwu eziokwu, o nweghị otu n'ime anyị nke ime nchere n'amasị. N'ezie, ọtụtụ mgbe ka anyị na-ekwu ihe dị ka, "Enweghị m ike ikwere na nke a na-ewe ogologo oge; ọ na-efu m oge m n'enweghị! " Nke ahụ bụ n'ihi na ọtụtụ n'ime anyị na-echè na ime nchere bụ ihe efu. Ma ọ bụghị otu ahụ ka ọ dị n’ebe Chineke anyị nọ.

Chineke na-arụ ọrụ ka anyị na-eme ncheré. Ọbụna mgbe ị n'enweghị ike ịhụ ihe Ọ na-eme, Chineke na-ahazi ihe omume nke eluigwe na ụwa mgbe niile iji mezuo nzube Ya maka ndụ gị. Tụkwasị obi n’ịhụnanya Ya nke na-adịghị ada ada—ịhụnanya nke kpaliri Ya izite Onye-nzọpụta si n’elu-igwe bịa iweghachi na ịnapụta gị. Atụmatụ Chineke maka ndụ gị abụghị nke a pụrụ imebi. Were ndidi n'eme ncheré, ebe ị maara na ime ncheré na Chineke agaghị abụ ihe efu.

NTỤGHARỊ NKE IME OBI

Bịa Jizọs A Tụrụ Anya Ya Ogologo Oge

Bịa, Jizọs a tụrụ anya Ya ogologo oge
A mụrụ ime ka ndị Gị nwere onwe ha;
Sì n'egwù na nmehie anyị napụta anyị,
Ka anyị nweta izu-ike n'ime Gị
Ike na Nkasi Obi Izrel,
Olileanya ụwa nile ka Ị bụ;
Ọdịnobi nke mba niile,
Ọnụ nke obi niile agụụ n'agụ.

A mụrụ ịnapụta ndị Gị,
A mụrụ ka nwa mana Ị bụ Eze,
A mụrụ ịchị n'ime anyị ruo mgbe ebighị ebi,
Ugbu a weta alaeze Gị jupụtara n'amara.
Site na Mmụọ Gị dị ebighị ebi
Chịa n'ime obi anyị niile naanị Gị;
Site n'ike aka Gị zuru oke,
Welie anyị elu ka anyị rute ocheeze Gị dị ebube.

Charles Wesley, 1707–1788

EKPERE

Nna m, anọ m ebe a n'echere Gị. Obi m na aka m ghere oghe maka ebumnuche Gị na atụmatụ Gị niile maka ndụ m. Nye m ndidi nke dị m mkpa nke ukwuu ma duo m n'ime ncheré m. Ọ bụ ezie na mmetụta-uche m erutebeghị ebe ahụ, mana ekwenyere m na Ị n'arụ ọrụ ugbu a maka m, ọbụna ka m n'agụ ihe a, n'echebe m, n'agbachitere m, n'akwadebe m, n'enye m ihe. Nye m amara ka m wee na-atụkwasị Gị obi n'ihu oke ifufè nke obi abụọ n'efegharị gburugburu m. Kwunye obi m chịm n'ime Gị. Amen.