Ստացեք հավելվածը«Խոնարհ դառնալու պատվիրանը»Օրինակ
Տեր Հիսուսը՝ խոնարհության կատարյալ չափանիշ
Համոզված եմ, որ քեզ անծանոթ չեն Տեր Հիսուսի խոսքերը, երբ Նա Իրեն բնութագրում էր որպես հեզ և խոնարհ։ Լինելով Աստված՝ Նա աշխարհ եկավ մարդկային մարմնով և մարդեղության բոլոր կողմերով: Նա գիտեր՝ ինչ է մերժումը, չհասկացված լինելը, տխրությունը, ցավը, լքվածությունը և նույնիսկ՝ դավաճանությունը: Նա ոչ միայն Իրեն խոնարհեցրեց մարդ լինելու աստիճան, այլև դարձավ մարդկանց ծառան՝ սեփական անձը ցածրացնելով նրանց առջև, ում ծառայում էր:
Սիրելի՛ բարեկամ, սա այն է, ինչ մենք տեսնում ենք Հովհաննես 13.5 խոսքի նկարագրության մեջ. «Ապա կոնքի մեջ ջուր լցրեց ու սկսեց աշակերտների ոտքերը լվանալ և մեջքին կապած սրբիչով սրբել»։
Այսպիսով, տիեզերքի Արքան ծնկի իջավ և լվաց Իր աշակերտների ոտքերը։ Սակայն Նրա խոնարհությունն այստեղ էլ կանգ չառավ։ Նա ավելի խոնարհեցրեց Ինքն Իրեն և ամենանվաստ ստրուկի պես կամավոր կերպով Իր վրա վերցրեց մի բեռ, կրեց մի ծանրություն, որն Իրենը չէր, որը պարտավոր չէր կրել։ Դա մի անարդար բեռ էր՝ մեր մեղքերի ծանրությունը, մեր մեղքերի պատիժը, որը Նա այնքա՜ն ցավոտ կերպով կրում էր դեպի Գողգոթա տանող ճանապարհի վրա։
Լինելով մարդկային կերպարանքով՝ Նա գիտեր, թե ինչպես է պետք պահել սրտի մաքրությունը, և անգամ ամենածանր պահերին երախտապարտ էր այն ամենի համար, ինչ Աստված տվել էր Իրեն։ Այս խոնարհությունը, որը զարդարում էր Նրա վեհությունը, հենց կատարյալ խոնարհությունն է, որը աղտոտված չէր կեղծ համեստության շողքերով։
Ինչպիսի՜ գեղեցիկ օրինակ յուրաքանչյուրիս համար․.. Մեր Աստված օժտված է ամենագեղեցիկ հատկություններից մեկով, որը երբևէ կարող էր գոյություն ունենալ, և այդ հատկությունը խոնարհությունն է:
Աստծու համար թանկ ու սիրելի՛ զավակ, ահա թե ինչու եմ կոչ անում քեզ որոնել և զարգացնել այդ նույն խոնարհությունը քո սեփական սրտում..․ Մի պարզ պատճառով՝ որպեսզի ամեն օր կարողանաս ավելի ու ավելի աճել Նրան նմանվելու մեջ և կերպարանվես Նրա պատկերի նմանությամբ։
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Հ.Գ. Ընթերցանության այս ծրագրի տեքստը վերցված է «Քո հրաշքն՝ ամեն օր» ուղերձներից, որոնց շնորհիվ ամեն օր Արման Մանուկյանը կիսվում է Աստծո Խոսքի շուրջ խրախուսական մտորումներով՝ ի քաջալերանք յուրաքանչյուրի, ով սիրում և անկեղծորեն հետևում է Տեր Հիսուսին։
Եվ թող ամեն օրվա Ձեր հրաշքն ու քաջալերանքն անպայմա՛ն հասնեն Ձեզ ու լուսավորեն Ձեր կյանքը։
Այս Ծրագրի Մասին
Տեր Հիսուսը խոնարհության մեր չափանիշն է և օրինակը։ Լինելով Աստված՝ Նա ոչ միայն Իրեն խոնարհեցրեց մարդ լինելու աստիճան, այլև դարձավ մարդկանց ծառան՝ սեփական անձը ցածրացնելով նրանց առջև, ում ծառայում էր: Հեզությունն ու խոնարհությունն այս աշխարհում ընկալվում են որպես թուլություններ, բայց Աստծո Արքայության մեջ դրանք այն բանալիներն են, որոնք հնարավորություն են ընձեռում առաջնորդվելու և ուսուցանվելու ուղղակիորեն հենց Տեր Աստծո կողմից։ Խոնարհները նվիրվում են մյուսներին բարիք անելու կյանքին և Աստծու սերն են տարածում իրենց շրջապատում։
More
Մենք ցանկանում ենք շնորհակալություն հայտնել hisus.am -ին այս պլանը տրամադրելու համար: Լրացուցիչ տեղեկությունների համար այցելեք՝ https://Hisus.am
