Pran aplikasyon anSwiv Jezi Medyatè nou anEgzanp
Jezi ak Pechè a
Jezi pat janm konsidere ankenn moun te fè twòp peche poul ta rive jwenn padon li. Li te akeyi menm moun sa yo ke tout rès sosyete a tap meprize.
Dapre yon nòt Etid Biblik Afrika aplikasyon an gen tit “Odè Padon an”:
Nou tout echwe nan viv fason Bondye mande poun viv la. Peche nou yo, blese lòt moun, kèk fwa byen pwofon. Vrè kwayan yo anvi jwenn padon, nan men Bondye ak nan men moun nou blese a.
.Nan istwa sa, yon fanm ki fè peche te dezespere anpil poul te jwenn padon kote li te oze antre lakay yon gwo lidè relijye. Fanm lan pat gen envitasyon, li pat diy epi yo pat akeyi li. Avèk imilite, li te bese devan Jezi. Li tap kriye. Dlo nan zyel tap tonbe sou pye Jezi, fanm lan bo pye Jezi, li seche dlo kap soti nan zyel yo ak cheve li. Pandan fanm lan tap vide pafen ki koute chè sa sou pye Jezi, lodè a te plen chanm lan.
Gen lòt moun petèt oubyen ki petèt pa tap padone nou lè nou fè yo bagay ki mal. Men lè nou koube tèt nou nan imilite nan pye Jezi avèk yon kè ki brize akoz peche nou yo, li pap pouse voye nou lòt bò. Li di nou, “Peche nou yo padone.”
Refleksyon oswa diskisyon
Fanm ki nan istwa sa tap viv yon lavi ki chaje ak peche epitou li te komèt gwo zak dyabolik nan zye Bondye. Poukisaw panse Jezi te padone fanm lan?
Èskew santi ou pa gen valè ase pou yo relew piti Bondye? Poukisa pou yo relew konsa oubyen poukisa pou yo pa relew konsa?
Siw konfese peche ou yo bay Jezi, èske lap padonew? Kisa istwa sa anseye nou sou volonte Bondye poul padone nou?
Kouman nou ta dwe reponn ak padon sa?
Ekriti
Konsènan Plan sa a
Yon mandyan ki avèg kap rele byen fò san ankenn espwa bò wout la, yon fanm imoral ke politès sosyete a meprize kòm moun sal, yon anplwaye nan gouvènman an ki konwonpi ke tout moun rayi–kouman youn nan moun sa yo ki soti nan kategori sa anndan sosyete a ta kapab espere konekte ak yon Bondye ki Sen? Dapre lide ki degaje nan liv Lik la nan Bib Etid Lafrik la, se pou nou swiv Jezi pandan lap fè pon sa ant Bondye ak moun ki majinalize yo.
More
