Jezi ak Konwonpi a 

Ofisyèl gouvènman ki konwonpi yo resevwa rayisman ak perèz sila yap toupizi yo. Men Jezi ap chache ni moun yap toupizi yo ak moun kap toupizi yo a.

Dapre yon nòt etid Biblik Afrika, aplikasyon an gen tit “Yon rankont ki chanje--lavi”:

Zache te vle wè kiyès Jezi ye. Li te fè efò ki nesesè lèl te kouri devan epi li te monte sou yon pye bwa jis pou li te kapab wè Jezi aklè. Zache te kapab jis kontantel gade Jezi. Sepandan, Jezi te ofri Zache yon eksperyans ki gen plis sans.

Apre Zache te fin rankontre ak Jezi anpèsòn, li pat kapab kontinye ak biznis ranmase-enpo li a menm jan an. Li te konn twonpe moun anvan sa, men li te vin konnen ke li dwe sispann triche epi peye moun sa yo bagay li te vòlè pou yo. Zache te vin konprann ke aksyon malonèt li yo se te koz povwete ki gen nan antouraj li a. Li te vin santi yon nouvo responsablite anvè kominite li a.

Zache se yon egzanp de yon moun ki vreman bezwen konnen Jezi. Anretou, Jezi te montre li yon nouvo fason poul viv. Zache te anbrase konplètman nouvo fason sa nan chaje valè li yo ak konpòtman li. Si nou tounnen vin jwenn, lavi nou pral chaje.

Mesaj ki soti nan istwa Zache a se menm jan an tou levanjil la kapab rive sou chak grenn moun, menm sila sa yo ki konwonpi epi kap abize lòt moun. Kit ou se moun ke yo plis meprize nan sosyete a, yon prizonye, yon moun kap vann dwòg, oswa pi mal toujou, Sali a ki se kado Jezi ak yon nouvo fason poun viv disponib pou ou.

Refleksyon oswa Diskisyon

Jezi chwazi poul se envite Zache malgre moun yo tap di li pat sipoze fè sa. Poukisa Jezi te te ale lakay yon gwo pechè?

Poukisa ou panse Zache, malgre aksyon konwonpi li yo, te vle wè Jezi? 

Kisa rezilta vizit sa ke Jezi fè a te ye nan lavi Zache ak nan kominote li a?

Èske Jezi gen enpak nan laviw? Si wi, ki enpak sa gen sou kominote paw la?