Pran aplikasyon anSwiv Jezi Medyatè nou anEgzanp
Jezi ak soufrans lan
Soufrans, menm jan ak povwete, kapab pran plizyè fòm. Jezi te gentan bay moun sa yo ki tap soufri nan kò ak nan lespri yo tout atansyon li epi li te reponn lapriyè moun sa yo.
Dapre yon nòtEtid Biblik Afrika pwovèb ak istwa yo ki gen tit “Avèg Ase pouw Wè”:
Gen yon pawòl anpil moun ap di ki popilè nan kilti Afriken yo, espesyalman nan mitan moun zòn Mendi nan Sierra Leone, ke “timoun ki kriye pi plis la resevwa plis atansyon nan men manman li.”
Mandyan avèg sa kite sou wout Jeriko a pat kapab kouri al jwenn Jezi, men nonm lan te kapab jwenn atansyon Jezi akoz li te itilize vwa li. Li te rele byen fò—epi li te jwenn atansyon Jezi menm jan ak timoun sa kite jwenn atansyon paran li yo.
Rele Jezi byen fò nan lafwa, kèlkeswa sityasyon ou ye a, wap jwenn atansyon li. Se la repons lapriyèw la koumanse. Ou pa bezwen ap soufri ansilans oubyen ap pote fado a pou kont ou; Jezi tou pre a, ou sèlman bezwen rele non li nan lapriyè.
Refleksyon oswa Diskisyon
Li parèt nan reyaksyon nonm avèg sa, li te gentan konnen kiyès Jezi te ye. Kisa li petèt te gentan tande sou Jezi?
Foul moun yo te rele li “Jezi Nazarèt la”, men nonm avèg la te rele li “Jezi, Pitit David la”. Kisa diferans 2 non sa yo diw sou Jezi?
Poukisa ou panse Jezi te mande nonm avèg la kisa li te vle pandan tout bagay te parèt aklè?
Èske gen yon andwa kote wap soufri ke ou vle jezi vin edew kounya? Pale avèk li sou sa nan lapriyè.
Ekriti
Konsènan Plan sa a
Yon mandyan ki avèg kap rele byen fò san ankenn espwa bò wout la, yon fanm imoral ke politès sosyete a meprize kòm moun sal, yon anplwaye nan gouvènman an ki konwonpi ke tout moun rayi–kouman youn nan moun sa yo ki soti nan kategori sa anndan sosyete a ta kapab espere konekte ak yon Bondye ki Sen? Dapre lide ki degaje nan liv Lik la nan Bib Etid Lafrik la, se pou nou swiv Jezi pandan lap fè pon sa ant Bondye ak moun ki majinalize yo.
More
