Jezi ak moun ki Pè a

Pa gen ankenn perèz ki twò gran ke Jezi pa kapab edew simonte. Pa gen ankenn fennwa ki twò nwa ke limyè li a pa kapab penetre.

Dapre yon nòtEtid Biblik Afrika aprantisaj la gen tit “Limyè Lavi a”:

Nan plizyè kote, kouche solèy la pote laperèz ak danje ki kache. Plis krim ak bagay dyabolik rive fèt anba kouvèti fennwa. Zak maji epi sòsèlri, vòl ak touye moun, imoralite ak bwè tafya souvan rive nan fènnwa. Asasen, vòlè lannwit yo, ak moun sa yo ki pral kay ougan yo, rete kache anba kouvèti a nan fènnwa. Moun sa yo pa sèten sou kisa ki nan lonbraj fènnwa a, alòs yap gade pou pi devan nan douvanjou. 

Men avèk Jezi, ankenn moun pa bezwen pè fennwa paske lew chwazi swiv Jezi ou pap janm mache nan fennwa ankò men nan lajwa ak limyè li an. Reyalite a, yo rele li Limyè Mond lan nan Levanjil Jan an. Nenpòt moun ki vle klere gras ak prezans Kris la—sila ki bay espwa ak direksyon lavi a—dwe idantifye avèk Kris la gras ak lafwa. Sa se sèl grenn chimen pouw “ranpli ak limyè, san ankenn kwen fennwa . . . klere, tankou yon limyè ki tap ranpli nou avèk k limyè” (Lik 11:36). Pèmèt Jezi, Limyè Mond lan, ranpli laviw se sèl grenn fason pouw pa mele nan fènwa mond lan ansanm ak plezi twonpèz li yo.

Refleksyon oswa Diskisyon

1 Jan 1:5 di, “Bondye se limyè, epitou pa gen yon ti kras fennwa nan li.” Poukisa li enpòtan ke yo te rele Jezi Limyè Mond lan, epitou pa gen ti kras fennwa nan li?

Kouman ou ta kapab dekri diferans ant viv yon lavi nan fennwa ak viv yon lavi nan limyè? Kiyès nan vi sa yo ou vle?

Kisa perèz oswa andwa fennwa sa yo ye nan laviw ki anpeche limyè lavi li a klere atravèw? Èskew pral mande li poul vini epi vide limyè pafè li a nan tout ti kwen fennwa nan laviw?