Jezi Medyatè nou an

Pandan tout semèn lan nou tap gade Jezi kap chache pòv yo, moun yap toupize yo, sila ki pè yo, pèchè yo, tout moun sa yo ke sosyete a ap meprize yo. Nan pi wo nivo aksyon medyasyon an, lanmò Jezi, ak rezirèksyon an, Jezi pran tout penisyon peche nou yo pou nou kapab rekonsilye avèk Bondye yon lòt fwa ak pou tout tan.

Dapre yon nòt Etid Biblik Afrika aprantisaj lan gen tit “Jezi, Medyatè Limanite a”:

Nan kilti Afriken an, medyasyon bati kòm yon zouti pwisan pou jere konfli. Tradisyonèlman, pi fò mariaj Afriken yo te rive jere nan prezans gran paran yo. Moun sa yo, se sila moun marye yo pral vin kote chak fwa gen yon pwoblèm ki nesssite entèvansyon yo. Lè gen konfli nan kominote yo jounen jodya, granmoun nan 2 pati yo rankontre an prezans yon twazyèm moun pou yo kapab negosye lapè. Lè nasyon yo ap fè lagè, Nasyon Zini voye moun kap travay pou lapè nan lide pou mete fen ak pwoblèm yo. Parenn yo, twazyèm pat an, ak moun kap travay pou lapè yo ap fè travay yon medyatè. Moun sa yo travay ak tout pati yo ki nan konfli a pou ede yo retabli amoni ak lapè.

Kris la te vini kòm yon medyatè—yon medyatè san tach. Li pat fè ankenn peche epitou Li te inosan de tout krim nou te komèt yo. Deja antanke yon medyatè nan mitan sila ki gen gwo pouvwa ak sila ki pa gen ankenn pouvwa yo, li te pran plas nou. 

Kris te gentan peye pi gwo pri a epi li te gentan pwomèt nenpòt moun ki kwè nan li pa tap resevwa chatiman an. Olye, yon moun ki kwè nan li pral resevwa lavi ki pap janm fini an. Atravè Kris la, epi se sèlman atravè li menm, lezòm ap kapab jwenn lapè avèk Bondye. “Paske gen yon sèl Bondye epi yon sèl medyatè ki kapab rekonsilye Bondye ak limanite—lòm Jezi Kris. Li te ban nou lavi li poul achte libète pou chak grenn moun” (1 Timothy 2:5-6).

Refleksyon oswa Diskisyon

Poukisa nou bezwen Jezi kòm medyatè nou?

Jezi te bay sèvis li kòm yon medyatè pafè, lel pran chatiman nou te merite a akoz peche nou yo. Poukisa ou panse Jezi te gen volonte poul te poze aksyon sa pou nou?

Èskew anpè avèk Bondye? Si non, kisa ki se sèl grenn chimen kew kapab rekonsilye ansanm avèk li?

Siw pa met konfyans ou nan Jezi, pi gwo medyatè limanite a, pingaw kite yon lòt jou pase sanw pa jwenn yon moun ki kapab priye ansanm avèk ou sou sa.