Rhoi iddo e dy BryderSampl

O Bryder i Heddwch

Peidiwch gadael i ddim byd eich poeni chi. Gweddïwch, a gofyn i Dduw am bopeth sydd arnoch ei angen. -Philipiaid 4:6

Mae symud tŷ yn un o'r ffactorau straen mwyaf mewn bywyd. Symudon ni i’n cartref presennol ar ôl i mi fyw yn fy un blaenorol ers bron i ugain mlynedd. Roeddwn i wedi byw ar fy mhen fy hun yn y cartref cyntaf hwnnw ers wyth mlynedd cyn i mi briodi. Yna symudodd fy ngŵr i mewn, ynghyd â'i holl bethau. Yn ddiweddarach, gaethon ni blentyn, ac roedd hynny'n golygu hyd yn oed mwy o bethau.

Doedd ein diwrnod symud i’r tŷ newydd ddim heb ddigwyddiad. Bum munud cyn i'r symudwyr gyrraedd, roeddwn yn dal i orffen llawysgrif. Ac, roedd gan y cartref newydd sawl set o risiau, felly cymerodd ddwywaith yr amser a dwywaith cymaint o symudwyr ag y bwriadwyd.

Ond doeddwn i ddim yn teimlo dan straen gan ddigwyddiadau'r diwrnod hwnnw. Yna fe wnaeth fy nharo: roeddwn i wedi treulio oriau lawer yn gorffen ysgrifennu llyfr - un yn llawn o'r Ysgrythur a chysyniadau beiblaidd. Trwy ras Duw, roeddwn i wedi bod yn pori dros y Beibl, yn gweddïo, ac yn ysgrifennu i gwrdd â'm dyddiad cau. Felly, dw i'n credu mai'r allwedd oedd fy nhrochiad yn yr Ysgrythur ac mewn gweddi.

Ysgrifennodd Paul, “Peidiwch gadael i ddim byd eich poeni chi. Gweddïwch, a gofyn i Dduw am bopeth sydd arnoch ei angen…” (Philipiaid 4:6). Pan weddïwn - “Byddwch yn llawen” yn Nuw (adn. 4) - yr ydym yn ailffocysu ein meddwl oddi wrth y broblem at ein Darparwr. Efallai ein bod ni’n gofyn i Dduw ein helpu ni i ddelio â’r pryder, ond dŷn ni hefyd yn cysylltu ag e, sy’n gallu darparu heddwch “ sydd tu hwnt i bob dychymyg” (adn. 7).

Katara Patton

Darparwr ac Amddiffynnydd, dw i'n rhoi fy mhryderon i ti. Bydded i'th heddwch warchod fy meddwl a'm calon.