Ddim yn iawnSampl

Yn y rhan hynafol o wlad Groeg roedd ganddyn nhw chwedl am ddyn o'r enw Sisyphus. Roedd yn dywysog hynafol a dwyllodd un neu ddau o'r duwiau Groegaidd, a dydy hynny byth yn syniad da. Fel cosb, fe'i wnaethon nhw ei orfodi e i dreulio tragwyddoldeb yn gwthio clogfaen enfawr i fyny bryn, dim ond i'r clogfaen rowlio'n ôl i lawr ar unwaith bob tro. Felly, yn ôl eu mythau, bydd yn gwneud hynny am byth - gwthio craig fawr i fyny bryn dro ar ôl tro am byth. Swnio fel sefyllfa hynod o annifyr?

Mae'n debyg dy fod di'n teimlo fel Sisyphus gydag ychydig o bethau yn dy fywyd dy hun. Efallai bod gen ti aelod o'r teulu sy'n sâl. Efallai dy fod yn methu darganfod sut i wella ar dy raddau. Efallai bod gan dy deulu drafferthion ariannol. Efallai dy fod newydd gael llawer o straen a phryder yn dy ben, a dydy e ddim yn edrych fel dy fod yn gallu ei dawelu. Gall yr holl bethau hyn deimlo fel dy fod yn treulio bob dydd yn gwthio clogfaen enfawr i fyny bryn, a does dim diwedd yn y golwg.

Gall brwydrau fel hyn fod yn boenus iawn. Gall hefyd fod yn flinedig. Hoffet ti fynd un diwrnod yn unig heb orfod delio ag e, ond mae bob amser yno, yn hongian dros dy ben fel cwmwl.

Pan dŷn ni’n teimlo fel hyn, mae Duw yn ein cyfarwyddo i fod yn ddewr oherwydd does dim rhaid i ni wynebu’r pethau hyn ar ein pennau ein hunain. Mae Duw yn union wrth ein hymyl, yn gweithio gyda ni ar beth bynnag sy'n rhoi trafferth i ni, yn barod i'n helpu i oresgyn.