Ddim yn iawnSampl

Os wyt ti erioed wedi bod ar heic, rwyt ti'n gwybod bod angen i ti gadw llygad am blanhigion peryglus fel eiddew gwenwynig. Os digwydd iti ei gyffwrdd, byddi di’n treulio'r ychydig ddyddiau wedyn yn dioddef tipyn. Yn anffodus, mae'n eithaf hawdd rhedeg i mewn i eiddew gwenwyn oherwydd ei fod yn edrych yn union fel planhigyn arferol. Ond os wyt ti'n gwybod beth i gadw llygad allan amdano, ddylet ti allu ei osgoi. Mae'n lliw gwyrdd tywyll, ac mae'r dail bob amser mewn setiau o dri. Dyna pam mae gan gerddwyr ddywediad: "Dail o dri, gad e fod."

Oni fyddai'n braf pe bai gan bob problem mewn bywyd ryw fath o reol syml i'th helpu di i wybod a fydd yn broblem mawr ai peidio? Rwyt ti'n dechrau ffeit efo ffrind. . . A yw'n mynd i arwain i oblygiadau, neu a fydd drosodd yn fuan? Rwyt ti'n teimlo ychydig yn sâl. . . A fydd wedi mynd yfory, neu a fydd yn rhaid iti fynd at y meddyg i gael ymchwiliad?

Yn anffodus, does gynnon ni ddim bob amser ffordd hawdd, syml o wybod ar unwaith a yw ein problemau yn bryderon bach neu'n rhai llawer mwy difrifol. Ond mae gynnon ni Dduw.

Yn narlleniad y Beibl heddiw, mae Iago yn dweud y gallwn ni bob amser ofyn i Dduw am ddoethineb. Gall doethineb a ddaw oddi wrth Dduw wneud byd o wahaniaeth wrth ddeall ein straen a’n gofid. Gyda chymorth Duw, dŷn ni, nid yn unig yn gallu osgoi "eiddew gwenwyn" bywyd, ond hefyd yn gwybod sut i'w drin pan fyddwn yn dod ar ei draws.