Ddim yn iawnSampl

Os wyt ti erioed wedi chwarae pêl fas neu hyd yn oed os oes gen ti syniad cyffredinol o'r gêm, rwyt ti'n gwybod yr un rheol ar gyfer sicrhau dy fod yn taro'r bêl pan mai hi dy dro di i fatio. P'un ai rhiant neu hyfforddwr yn y prif gynghreiriau sy’n dy ddysgu sut i chwarae pêl fas, byddan nhei gyd yn dweud yr un peth wrthot ti: "Cadwa dy lygad ar y bêl."

Oni fyddai mor hawdd â hynny? Fel, pe bai chwarae pêl fas mor syml â chadw dy lygad ar y bêl yn unig, yna byddem i gyd yn eithaf da wrth chwarae pêl fas. Ond nid yw mor hawdd â hynny.

Weithiau, dyna sut mae'n swnio pan fydd pobl yn dweud wrthot ti am drystio yn Nuw gyda’th boenau a'th bryderon. Yn sicr, mae yn swnio fel cyngor da. Ond yn union fel nad yw "cadw dy lygad ar y bêl" mor hawdd ag y mae'n swnio, nid yw "trystio yn Nuw" mor hawdd â hynny chwaith. Sut ydyn ni mewn gwirionedd yn canolbwyntio ar Iesu pan dŷn ni dan straen?

Yn y Beibl, mae Paul yn deall nad yw “trystio yn Iesu” bob amser mor hawdd ag y mae'n swnio. Ac yn Philipiaid, mae mewn gwirionedd yn rhoi proses gam wrth gam inni ar gyfer sut olwg allai fod ar hynny.

Yn ei dyb e, y peth cyntaf sydd angen i ni ei wneud o ran trystio yn Nuw yw dechrau trwy ddweud wrth Dduw beth dŷn ni'n poeni amdano. Pan dŷn ni'n dod â'n pryderon i Dduw, dŷn ni'n cael addewid o heddwch sy'n gryfach na'n holl straen a'n pryderon gyda'i gilydd. Nid yw "Trystio yn Nuw" yn swyn hud i wneud i'r cyfan ddiflannu, ond mae'n gam cyntaf tuag at oresgyn ein pryderon.