Heddwch CollSampl

Heddwch Perthynol

Mae ansicrwydd yn tueddu i chwyddo gwrthdaro a barn gref. Ac mewn tymor lle gall “digynsail” fod yn air y flwyddyn, rydyn ni i gyd wedi wynebu rhywfaint o wrthdaro.

Boed yn ddadleuon gwleidyddol sy’n cychwyn dros giniawau gwyliau, sylwadau cyfryngau cymdeithasol sy’n gallu cynhyrfu’r sefyllfa ychydig, neu gael sgyrsiau anodd am ffiniau, weithiau gall y bobl dŷn ni’n eu caru fwyaf achosi’r straen mwyaf inni hefyd.

Ond mae heddwch yn bosib yn ein perthnasoedd. A dweud y gwir, mae dod â heddwch i’r byd yn rhywbeth rydyn ni’n cael ein galw i’w wneud fel dilynwyr Iesu. Yn y Bregeth ar y Mynydd, dywedodd yr Iesu:

Mae'r rhai sy'n hyrwyddo heddwch wedi'u bendithio'n fawr, oherwydd byddan nhw'n cael eu galw'n blant Duw.. Mathew, pennod 5, adnod 9 beibl.net

Sylwa, mae’n dweud “hyrwyddo heddwch” - nid “ceidwad heddwch.” Mae hyrwyddo heddwch yn broses gweithredol. Dydy e ddim yn golygu ein bod yn cytuno â phob safbwynt sy’n cael ei daflu o gwmpas y bwrdd cinio. Dydy e, ychwaith, ddim yn golygu bod rhaid i ni gytuno ar bopeth, neu fyth achosi gwrthdaro. Falle bod y gweithredoedd hynny’n creu’r esgus o heddwch - ond dydy e ddim yn heddwch go iawn.

Er ei fod yn demtasiwn i anwybyddu gwrthdaro, neu esgus nad ydy yna o gwbl, dydy hynny ddim yn ymateb cariadus. Mae Rhufeiniaid, pennod 12, adnod 9 yn ein hatgoffa bod rhaid i gariad fod yn gariad go iawn. Os byddwn yn cuddio ein teimladau briwedig, dydyn ni ddim yn hyrwyddo heddwch - dŷn ni’n osgoi’r broses o wneud heddwch.

Fodd bynnag, mae Paul yn dal ati i’n herio yn Rhufeiniaid, pennod 12 i ystyried sut olwg sydd ar heddwch, a dydy e ddim yn hawdd. Ar ôl ein hannog i fendithio’r rheiny sydd wedi ein brifo, i osgoi chwilio am gyfle i dalu’r pwyth yn ôl, ac i fyw mewn harmoni ag eraill, mae e’n gosod yr her yma:

Gwnewch bopethalwch chi, i fyw mewn heddwch gyda phawb.. Rhufeiniaid, pennod 12, adnod 18 beibl.net

Sylwa, mae’n dweud, “bopeth alwch chi.” Mae hynny’n golygu nad ydyn ni’n cael ein hesgusodi oherwydd ymddygiad yncl gwallgof. Waeth pa mor anhrefnus y mae popeth yn edrych o'n cwmpas, mae Duw yn dal i fod eisiau inni fynd ar drywydd heddwch, boed hynny'n golygu ymgysylltu â rhywun yn uniongyrchol neu dynnu ein hunain o sefyllfa os ydym yn gwybod mai dyna'r ffordd orau y gallwn ddod â heddwch yn y foment honno

Felly, sut elli di hyrwyddo heddwch ymhob sefyllfa? Dŷn ni’n cael ychydig mwy o ddoethineb am hyn gan Iago:

Ond mae'r doethineb sy'n dod oddi wrth Dduw yn y lle cyntaf yn bur. Mae hefyd yn meithrin heddwch, addfwynder, cydweithrediad, caredigrwydd a gweithredoedd da. Mae'n gwbl ddiduedd a diragrith. Bydd y rhai sy'n hybu heddwch drwy hau hadau heddwch yn medi cynhaeaf o gyfiawnder.. Iago, pennod 3, adnodau 17 i 18 beibl.net