Спатканьні ў сучаснасьціУзор

Прынцыпы сустрэчаў (частка 1)

Калі даходзіць да прынцыпаў сустрэчаў, першым і найважнейшым ёсьць тое, каб папрасіць Бога ўсяго сусьвету браць у гэтым удзел. Дазволіць праўдзе пра Яго ўплываць на вашы думкі і ўчынкі. Малітва вызваляе вас ад страху застацца адным і абараняе вас ад таго, каб паступіцца стандартамі. Вы можаце атрымліваць асалоду ад кожнага моманту, бо маеце супакой, ведаючы, што моцны і любячы Бог вядзе вас добрым шляхам. Калі вы маеце добрыя адносіны з Богам, то можаце бачыць людзей каштоўнымі, створанымі на Яго вобраз, - не для выкарыстаньня, але для ўшанаваньня.

У сустрэчах гэтае ўшанаваньне пачынаецца, калі вы трымаецеся другога іх прынцыпа: быць адкрытым перад спадарожнікам. У Лісьце да Эфэсцаў 4:15 Павал кажа, што пазнакай людзей Ісуса ёсьць іх уменьне казаць “"праўду ў любові". У Прыповесьцях 24:26 сьцьвярджаецца, што шчыры адказ - як пацалунак у вусны. Калі вы кажаце іншаму чалавеку праўду, гэта знак павагі і любові. Таму набярыцеся мужнасьці з любоўю сказаць другому чалавеку, што вы думаеце, адчуваеце і што хацелі б зрабіць.

Абавязкова добра тлумачце тое, што адчуваеце. Той, хто побач, мусіць ведаць, што вы адчуваеце, - не пакідайце яго ў невядомасьці адносна таго, што здарыцца далей. Двухсэнсоўнасьць непрыемная. Таксама выразна кажыце пра тое, да чаго могуць прывесьці сустрэчы. Кажыце пра тое, што для вас прыемна, а што - не, будзьце гатовыя спыніцца, не ціснучы адзін на аднаго, калі некаму з вас робіцца непрыемна ў адносінах. Заўсёды мусіць быць выхад. Калі людзі маюць яснасьць, яны маюць мір і магчымасьць заставацца самімі сабой.

Тым, хто верыць у Ісуса, няма неабходнасьці гуляць у нейкія гульні. Жыцьцё кароткае. Няма часу гуляцца з эмоцыямі іншых. Кажыце тое, што думаеце. Трымайцеся сваіх словаў. Шчыра размаўляйце пра адносіны.

Трэці прынцып сустрэчаў палягае ў тым, што яны мусяць быць паміж тымі, хто верыць у Хрыста. У Бібліі выразна падкрэсьліваецца, што вернікі мусяць сустракацца (і браць шлюб) з тымі, хто верыць у Ісуса. Нас заклікаюць любіць тых, хто не верыць у Бога, але мы не можам мець з імі рамантычных адносінаў. Для верніка сустрэчы - гэта частка знаходжаньня ў супольнасьці з іншымі вернікамі - адносінаў запавету. Бог не лічыць сустрэчы "статусам". Вы можаце быць братам і сястрой у Хрысьце, або мужам і жонкай. Паміж гэтым нічога няма. Таму не блытайце гэта.

Такім жа чынам Біблія праводзіць выразную мяжу ў сэксуальнай сферы. У шлюбе дазволена шмат. Да шлюба не дазволена анічога. Падчас сустрэчаў таксама не дазволена анічога. Сапраўдная любоў не патрабуе доступа да вашага цела, пазьбягаючы пры гэтым адказнасьці за эмацыйны і фінансавы клопат пра вас. Таму, пакуль вы не возьмеце шлюб перад Богам, вы не ёсьць адным целам. Вы паасобку.

Вы адказваеце перад Богам за сваё жыцьцё. Таму стаўцеся да сустрэчаў як да часу ацэнкі, які вядзе да высноваў пра іншага чалавека. Выкарыстоўвайце сустрэчы, каб вырашыць, ці зможаце вы стаць добрымі спадарожнікамі па жыцьці.

Адкажыце

Як вы запрасілі Бога ў свае сустрэчы? Чаму важна запрасіць Яго ў гэты працэс, перш чым вы пачнеце сустракацца з кімсьці?

Якія ёсьць спосабы належным чынам выразіць свае намеры адносна таго, з кім вы хацелі б сустракацца? Якім стаўленьнем можна ўшанаваць чалавека, з якім вы хацелі б сустракацца?

Якія межы вызначае Бог у адносінах? Калі вы парушылі нейкія з іх, то як вы можаце вярнуцца на правільны шлях?