Спатканьні ў сучаснасьціУзор

Спачатку пра галоўнае

Ці хочаце вы быць добрым і любіць іншых? Ці хочаце вы быць тым, хто дэманструе да іншых такую любоў, якую Бог зьявіў вам? Ці хочаце вы быць крыніцай жыцьця для сям'і, сяброў, чалавека, з якім вы сустракаецеся, і таго, з кім вы урэшце возьмеце шлюб? Тады вам патрэбная крыніца жыцьця. Так гэта і задуманае. Прынятая любоў перадаецца далей. Гэта натуральны ўплыў таго, што Бог першым палюбіў нас (гл. 1 Яна 4:19). Калі вы маеце крыніцу жыцьця, вы можаце быць крыніцай жыцьця.

У Эвангельлі паводле Яна 4 Ісус тлумачыць, што кожны з нас мае ў душы глыбокае жаданьне быць любімымі. Ісус размаўляў з жанчынай ля калодзежа, і ў нейкі момант сказаў ёй: “...мела ты пяць мужоў, і той, якога цяпер маеш, ня муж табе” (верш 18). Таксама Ён сказаў: “Калі б ты ведала дар Божы і Хто кажа табе: “Дай Мне піць”, то ты прасіла б у Яго, і Ён даў бы табе вады жывое” (верш10). Ісус казаў: "Ты шукаеш таго, каб задаволіць прагненьне душы ў абдымках мужчын, але не можаш гэтага там знайсьці. Ты няправільна зразумела сваю патрэбу". Ісус казаў, што адзінай патоляй для яе душы быў Бог, крыніца жыцьця, а не адносіны з іншымі людзьмі.

Калі вы карыстаецеся сустрэчамі для самасьцьверджаньня, то гэта проста высмоктвае жыцьцё з іншага чалавека. Так фармуюцца таксічныя адносіны. Вось чаму шмат якія адносіны псуюцца. Калі вы дэманструеце патрэбы, адпаведныя Богу, іншым людзям, то яны не могуць на іх адказаць. І вы таксама не можаце прапанаваць ім безумоўную любоў у дні складанасьцяў, бо яны сталі вашай крыніцай. Але калі вашай крыніцай ёсьць Бог, то Яго любоў цалкам натуральна праходзіць праз вас да таго чалавека, з якім вы сустракаецеся. Калі вы ведаеце, што вас сапраўды любяць, вам лёгка любіць іншых. Маючы невычарпальны рэсурс любові, можна стаць крыніцай любові для іншых.

Калі вы ў Хрысьце, то ведаеце, што Найпрыгажэйшы і Наймагутнейшы Бог цэніць вас. Ён ведае вас. Ён бачыць вас. Ён аддаў усё, каб вы сталі Яго дзіцём. Ён ніколі не адмовіцца ад вас. Таму, перш чым пачаць сустракацца, перш чым прыняць рашэньне пабрацца шлюбам, вам неабходна сустрэцца з Творцам і усталяваць адносіны з Ім. Менавіта пастаянныя адносіны з Хрыстом даюць вам стаць дабраславеньнем для таго, з кім вы сустракаецеся.

Адкажыце

Чаму так важна, каб Бог быў крыніцай вашага жыцьця, калі вы хочаце стаць крыніцай жыцьця для іншага чалавека? Што адбываецца, калі гэты парадак парушаецца?

Як вашы адносіны з Богам уплываюць на вашы адносіны з тым, з кім вы сустракаецеся? Як вашы адносіны з Богам уплываць на тое, як вы бачыце сябе?

Што вам трэба зрабіць зараз, каб узрастаць у сваіх адносінах з Богам? Якія практычныя крокі вы зробіце, каб гэта адбылося?