Спатканьні ў сучаснасьціУзор

Навошта сустракацца?

Спатканьні, або сустрэчы, складаныя, бо гэта рызыкоўна. Часам яны падаюцца падобнымі да гульні ў класікі на мінным полі. Гэта можа вас зьдзівіць - навошта ісьці на непазьбежны боль? Адказ у тым, што далёка ўнутры мы маем глыбокую патрэбу і жаданьне адносінаў з іншым чалавекам. Мы жадаем кахаць і перажываць каханьне ў адказ. Большасьць людзей у сьвеце жадаюць стварыць сям'ю. Тамы мы гадовыя ісьці на цяжкасьці сустрэчаў дзеля вынікаў у выглядзе трывалых блізкіх адносінаў.

У гэтым плане я не буду казаць пра тое, як пайсьці на спатканьне, бо гэта можа зрабіць хто заўгодна. Калі вашы стандарты невысокія, то сёньня ж можна і шлюбам пабрацца! Лёгка знайсьці некага для сустрэчаў. Але знайсьці правільнага чалавека ў правільны спосаб няпроста. Значыць, пытаньне ў тым, як гэтага дасягнуць. Як можна сустракацца так, каб максімальна падкрэсьліць добрыя асьпекты знаёмстваў і зьменшыць боль? Каб адказаць на гэта пытаньне, трэба задаць яшчэ больш фундаментальнае: У чым мэта сустрэчаў?

У Бібліі нічога не кажацца пра сустрэчы, але там шмат сказана пра тое, як ацэньваць людзей. Я б прызнаў, што сустрэчы - гэта сучасны працэс ацэньваньня. Спатканьні дапамагаюць убачыць, ці жадаеце вы правесьці жыцьцё з тым ці іншым чалавекам. Першае важнае пытаньне, да якога прыводзіць нас такая ацэнка, - якія якасьці трэба шукаць у іншым.

Той, хто яшчэ не мае сям'і, мусіць імкнуцца да Госпада і прысьвячацца Яму. Выкарыстоўваць свае дары, здольнасьці, час і ўплыў, каб стаць дабраславеньнем іншым людзям, створаным на Яго вобраз. Імкнучыся да Яго, вы заўважыце, што навокал будуць і іншыя людзі, якія кіруюцца ў розныя бакі. Урэшце вы ўбачыце і тых, хто шукае Бога разам з вамі. Паступова вы пачнеце гаварыць з некаторымі з іх. Вам захочацца прыгледзецца да іх.

Важна зьвяртаць увагу на характар і сімпатыю/упадабаньне. Вам патрэбны той, у характары каго аддана імкнуцца да Бога і ўсяго, што Божае. Таксама варта шукаць чалавека, які вам даспадобы. Вам патрэбны той, з кім прыемна будзе бавіць час, размаўляць, з кім лёгка паразумецца. Шукайце трывалага і пабожнага характара і прыхільнасьці.

Сустрэчы - гэта не пошук таго, у кім нібыта можна знайсьці сэнс свайго жыцьця і самарэалізацыю. Гэта зашмат для любога чалавека. І мы створаны зусім не так. Вы - не палова чалавека, які чакае, пакуль яго "дапоўніць" іншы. Вы - паўнацэнны чалавек, якога Бог любіць у кожны час. Вас нельга лічыць непаўнавартасным.

Тады мэта сустрэчаў не ў тым, каб знайсьці дапаўненьне для сябе, але ў тым, каб знайсьці прыемнага для вас чалавека з выдатным характарам, каб вы маглі дасягнуць будучыні, якую Бог падрыхтаваў вам. У часе сустрэчаў вашай мэтай ёсьць супольны рост, каб вы маглі натхняць, падбадзёрваць і фармаваць адзін аднаго. Для гэтага вам давядзецца адаптавацца, мяняцца і ахвяравацца. Не заўжды будзе проста ці так рамантычна, як у галівудзкіх фільмах. Але можаце быць упэўненыя ў тым, што гэтае падарожжа вартае высілкаў.

Вось у чым мэта сустрэчаў. Вось да чаго варта імкнуцца ў шлюбе. І гэта надзвычай захапляльна!

Адкажыце

Ці перажывалі вы некалі боль пры сустрэчах? Чаму вас гэта навучыла?

Чаму вы хочаце сустракацца? Ці здаровая ваша матывацыя? Чаму так або чаму не?

Што можа дапамагчы вам ацаніць чалавека як патэнцыйнага сужонка? Якія спадзяваньні вы маеце на будучыню, калі разважаеце пра магчымасьць сустрэчаў з кімсьці?