Боскі кірунакУзор

Будуй узаемаадносіны

Калі я зразумеў, што я быў створаны ня толькі дзеля таго, каб служыць у царкве, але й дзеля таго, каб служыць як царква, то ўзаемаадносіны зь людзьмі набылі надзвычайнае значэньне. Немагчыма служыць без узаемаадносінаў. Тыя, з кім ты будуеш узаемаадносіны сёньня, паўплываюць на гісторыі, якія ты будзеш распавядаць заўтра. Гэта заўсёды было праўдай. Прыгадай, напрыклад, гісторыю чалавека, які напісаў больш за адну траціну Новага Запавету, — апостала Паўла. Павал не заўсёды быў пасьлядоўнікам Мэсіі. Да таго, як ён стаў ісьці за Ісусам, ён быў Саўлам з гораду Тарсу, злым хлопцам, які перасьледаваў і забіваў пасьлядоўнікаў Хрыста. Калі табе не падабаліся Ісусавы фанаты, табе спадабаўся б Савал. Але забіўшы шмат з тых, хто верыў у тое, што Ісус уваскрос зь мёртвых, Павал таксама пачаў верыць.

Ягонае ператварэньне было настолькі вялікім, настолькі радыкальным, настолькі жыцьцезьмяняльным, што Савал (якому далі новае імя Павал) неадкладна захацеў расказаць іншым пра Ісуса. Праблема была ў тым, што ніводны вернік не давяраў яму са зразумелых прычынаў.

Кніга Дзеяў проста кажа: “Савал прыйшоў у Ерусалім і стараўся прыстаць да вучняў; але ўсе баяліся яго, ня верачы, што ён вучань” Дзеі 9:26. Нельга абвінаваціць вучняў у іхным скептыцызьме. Я не хацеў бы, каб хлопец, які забіваў хрысьціянаў у мінулым месяцы, праводзіў біблійныя заняткі ў маёй царкве! А ты?

У Паўла была адна праблема. Іншыя хрысьціяне не давяралі яму. Тады ён вырашыў пабудаваць адносіны з хоць-якім чалавекам, які даў бы яму шанец падзяліцца ягоным новым захапленьнем. Паўлава рашэньне наладзіць адносіны ня проста зьмянілі ягоную гісторыю; яно зьмяніла сусьветную гісторыю. Бачыш, ад зьмены напрамку ягонага лёсу Паўла аддзяляў усяго толькі адзін сябра. І тым сябрам быў Барнаба.

Магчыма, што ад зьменаў у тваёй гісторыі цябе таксама аддзяляе толькі адно сяброўства.

Сёньня ты прачытаеш пра тое, як Барнаба рызыкнуў, прывёўшы Паўла да апосталаў, якія былі кіраўнікамі людзей, якіх ён намагаўся забіць у папярэднім жыцьці. Што здарылася? Паўлаў новы сябар Барнаба рызыкнуў уласнай рэпутацыяй дзеля Паўла. І праз Барнабу астатнія вернікі прынялі Паўла. Усе добра ведаюць, што сталася пасьля. Магчыма, што ад зьменаў у тваёй гісторыі цябе таксама аддзяляе ўсяго толькі адно сяброўства.

Ад лепшага сужэнства цябе аддзяляе ўсяго адзін сябра. Ад перамогі над залежнасьцю цябе аддзяляе ўсяго адно прызнаньне. Каб адчуць сябе лепей, табе не хапае ўсяго адной гутаркі. Каб убачыць твае здольнасьці й стаць лепшым лідэрам, табе не стае ўсяго аднаго мэнтара.

Спытай сам у сябе: Што я мушу зрабіць, каб пабудаваць адносіны з патрэбнымі людзьмі? Ці ёсьць людзі, зь якімі я мушу пакінуць сябраваць?