Боскі кірунакУзор

Заставайся

Я шмат разважаю над тым, якім адрозным было б маё жыцьцё, калі б я здаўся, калі я хацеў быў здацца. Мая гісторыя магла б стаць нечым накшталт: “Ну, я некалі думаў, што я меўся стаць пастарам, але я паспрабаваў і нічога з таго ня выйшла. Вось так бывае.”

Я ўпэўнены, што час ад часу табе таксама прыйдзецца змагацца з рознымі цяжкасьцямі ў жыцьці: начальнік, якога ты цярпець ня можаш; узаемаадносіны, якія зьнянацку падарваліся; мара, на зьдзяйсьненьне якой засталося мала надзеі; рашэньне, якое ня спраўдзіла тваіх спадзяваньняў. Калі перад табой стаяць цяжкасьці, то звычайна пачынаеш пераглядаць рашэньні, якія маюць найбольшы ўплыў на тваё жыцьцё. Можаш задаваць сабе такія пытаньні:

• Ці я павінен рызыкнуць ды зволіцца з гэтае працы й пачаць шукаць іншую?
• Даведаўся аб рамане маёй жонкі — хіба варта заставацца ў шлюбе зь ёй?
• Ці я сапраўды маю здольнасьці да бізнэсу? Ці ня будзе лепш кінуць гэтую справу перад тым, як усё пагоршыцца?

У кожным з гэтых прыкладаў — як і ў бальшыні значных жыцьцёвых рашэньняў — ты знаходзісься ля вельмі важнага разгалінаваньня дарог, і трэба вырашыць: застацца ці адыйсьці?

Ці я выбіраю здацца, бо гэта слушна, ці таму, што пакінуць справу падаецца лягчэй?

Часта найлепшае і найбольш узбагачальнае рашэньне, якое ты можаш прыняць — гэта застацца, нават калі табе прасьцей павярнуцца й адысьці. Я не кажу, што табе ніколі ня будзе патрэбна адыходзіць. Але перад тым, як прыняць канчатковае рашэньне, спытай сам сябе: “Ці я выбіраю здацца, бо гэта слушна, ці таму, што пакінуць справу падаецца лягчэй?

Часам, найвялікшым актам веры зьяўляецца вернасьць — застацца там, куды цябе памясьцілі. Пройдзе шмат гадоў, і, магчыма, ты азірнесься і падзякуеш Богу за тое, што ты вырашыў застацца тады, калі адысьці падавалася лягчэй.

Памятай, Бог стварыў цябе паводле Свайго вобразу і Ён ёсьць пачынальнікам і спраўцам твае гісторыі. Ты не чалавек, які лёгка здаецца. Ты чалавек, які даводзіць справу да канца.

Памаліся: Божа, ці ёсьць у маім жыцьці нешта такое, ад чаго я адыходжу, а Ты хочаш, каб я застаўся й скончыў? Ці Ты дасі мне сілу працягваць? Амін.