Боскі кірунакУзор

Руш

Ці ты адчуваеш, што ў тваім жыцьці адбываецца нешта новае? Ці ты хочаш, каб нешта зьмянілася? Нават калі ты не адчуваеш таго цяпер, быць падрыхтаваным да зьменаў — заўсёды добрая ідэя, бо яны абавязкова прыйдуць.

Мы ўжо пагутарылі пра пачні, затрымайся і заставайся. Але часам найлепшае рашэньне, якое ты можаш прыняць, шукаючы Божага накірунку — гэта рушыць.

Часта мы павінны не адступаць у цяжкім становішчы, але нярэдка мы павінны і рызыкаваць. Ці ты адчуваеш неспакой там, дзе ты знаходзісься? Магчыма, што Бог гэтак паведамляе табе, што Ён хоча, каб ты пачаў служыць Яму нейкім неспадзяваным спосабам. Магчыма, што Ён накіроўвае твае думкі да пэўнае групы людзей, ідэі, праблемы або месца. Магчыма, што Ён заклікае цябе рушыць. Паслухайся таго прадчуваньня й даведайся, куды яно прывядзе. Рызыкні. Найлепшы спосаб зрабіць скок у невядомае верай — гэта пачаць як сьлед.

У Старым Запавеце ёсьць выдатная гісторыя пра Абрама ды Сару (якія пазьней атрымалі імёны Абрагам ды Сарра), што добра ілюструе “руш”. У Быцьці 12 Бог прамовіў Абраму. У той час Абрам жыў у мястэчку Харан, але ён паходзіў з гораду пад назвай Ур Халдэйскі. У родным месцы Абрама, Уры, людзі пакланяліся фальшываму богу месяца Нанару.

Што тут ёсьць важным, дык гэта тое, што сапраўдны Бог вырашыў адкрыцца Абраму. Бог вельмі проста й коратка загадаў яму: пакінь усё, што ты некалі ведаў. “Ідзі зь зямлі тваёй, ад радзіны тваёй і з дома бацькі твайго ў зямлю, якую Я пакажу табе.” Быцьцё 12:1.

Ідзі.

Каб пайсьці да твайго месца прызначэньня, магчыма, што табе прыйдзецца выйсьці з зоны камфорту.

Каб пайсьці некуды, ты мусіш пакінуць месца, дзе знаходзісься цяпер. Мусіш пакінуць вядомае, выгоднае, прадказальнае, лёгкае. Каб пайсьці да твайго месца прызначэньня, магчыма, што табе прыйдзецца выйсьці з зоны камфорту.

Хто ведае, куды Бог накіруе гісторыю твайго жыцьця, калі ты дазволіш Яму зрабіць гэта? Пройдзе шмат гадоў, і ты азірнесься на тваё жыцьцё і ўбачыш поўную карціну. Якой яна будзе? “Я пачуў, як Бог паклікаў мяне, але збаяўся і ніяк не адрэагаваў.” А можа, ты распавядзеш пра свае прыгоды, поўныя веры? Рэч у тым, каб рушыць або ня рушыць, калі Бог кажа: “Руш.”

Спытайся: Што Бог хоча, каб я пакінуў? Куды Ён кліча мяне ісьці?