Боскі кірунакУзор

Затрымайся

Калі ты адчуваеш нейкі імпульс, альбо калі перад табой стаіць надзвычай рызыкоўная дылема, то найлепшае, што ты можаш зрабіць — гэта затрымацца. Узяць тайм-аўт. Памаліцца аб накірунку. Адкладзі прыняцьце рашэньня на наступны дзень, каб у цябе было болей часу падумаць. Парайся зь іншымі вернікамі, якім давяраеш, і паразважай над магчымымі вынікамі. Потым спытай самога сябе: “Ці ёсьць нешта такое, што я цалкам павінен кінуць?”

Бальшыня з нас мае добрыя намеры або, прынамсі, нейкае апраўданьне на ўсё, што мы робім. Аднак шмат хто з нас зьдзіўляецца, калі разумее, што знаходзіцца далёка ад таго месца, худы нам хочацца ісьці. Вялікія зьмены ў нашым жыцьці — як адмоўныя, так і станоўчыя — рэдка здараюцца бяз шэрагу папярэдніх рашэньняў, што зьбіраюцца ў кучу нібыта бясконцыя касьцяшкі даміно.

Ці ты разумееш цяпер, як затрыманьне можа быць найпрадукцыйнай рэччу, што мы можам зрабіць? Калі ты спыняесься, каб праінвэнтарызаваць, дзе ты знаходзісься й куды вы хочаш пайсьці, то потым зможаш вырашыць, як дабрацца да месца прызначэньня.

Што ты можаш спыніць, каб наблізіцца да Божага кірунку?

Ці ты робіш нешта такое, што вядзе цябе туды, куды ты ня хочаш ісьці (або куды Бог ня хоча, каб ты йшоў?) Што ты мусіш зрабіць, каб цалкам кінуць тое? Залежнасьць ад сацыяльных сетак, алькаголю, парнаграфіі, ухваленьня або працы? Нездаровыя адносіны? Асуджальнае стаўленьне? Што ты можаш спыніць, каб пайсьці боскім накірункам? Хай кожны выбар будзе наступным крокам да твайго месца прызначэньня.

Калі нейкія паводзіны або ўзаемаадносіны вядуць нас у напрамку далей ад гісторыі, якую мы хочам расказаць, то нам трэба затрымацца ня толькі дзеля таго, каб паразважаць над магчымымі наступствамі, але й дзеля таго, каб сьвядома кінуць ісьці ў няправільным накірунку. Ты, пэўна, ня раз чуў слова “каяцца”. Адно зь ягоных літаральных значэньняў у грэцкай мове — гэта “павярнуцца назад”. Калі ты каесься, то ты перастаеш ісьці напрамкам, якім ішоў, і вяртаесься да Бога й Ягонага пляну на тваё жыцьцё.

У гэтым значэньні, затрымацца сапраўды азначае зьмяніць кірунак. Магчыма, табе трэба накіравацца да адказнасьці, прабачэньня, добрых сяброў або новага месца жыхарства.

Спытай сябе:

1. Калі я выберу тое ці іншае, куды яно мяне прывядзе?

2. Што я магу кінуць, каб пайсьці боскім накірункам?