Боскі кірунакУзор

Служы

Служыць іншым мне асабіста не даецца лёгка. Я эгацэнтрычная асоба. Мне падабаецца, каб усё было так, як хачу таго я. Я не ганаруся гэтым, але, на жаль, гэта праўда.

Я не адзін такі. Кожны з нас можа быць трохі эгацэнтрычным. Мы сябелюбныя па прыродзе. Сам падумай: дзяцей быць сябелюбнымі вучыць ня трэба. Паводле Ісуса, сьвет ня круціцца вакол нас, але ўсё ў нашай культуры (улучаючы тую забягалаўку хуткага харчаваньня) намагаецца сказаць нам, што мы мусім жыць па-свойму.

Адзін з найхутчэйшых спосабаў забыць пра Бога — гэта быць напоўненым “самім сабой”. Ісус даволі проста казаў тым, хто хацеў ісьці за Ім:  “Калі хто хоча ісьці за Мною, хай адрачэцца ад сябе й возьме крыж свой і ідзе за Мною.” Мацея 16:24

Бог жадае, каб у нашым жыцьці ўсё было так, як Ён таго хоча. І Ён ня мае на ўвазе “дадатковае мяса, без салаты, калі ласка.”

Што да ежы, дык Ісус аднойчы сказаў нешта такое, што павінна прымусіць нас затрымацца перад тым, як замовіць наш наступны гамбургер. “Мая ежа ёсьць тварыць волю Таго, Хто паслаў Мяне, і зьдзейсьніць справу Ягоную.” Яна 4:34

Уяві сабе мажлівасьць сказаць: “Мая ежа ёсьць служыць Богу. Мая ежа ёсьць дагаджаць Яму. Мая ежа ёсьць выканаць заданьне, якое Ён даў мне. Мая ежа ёсьць рабіць волю майго Бацькі й зьдзейсьніць Ягоную справу.” Гэта зусім адрозны род спажывы. Гэта жыцьцё паводле боскага кірунку.

У той час, як усё навокал кажа нам: “Кармі сябе”, Бог кажа нам карміць іншых.

У той час, як людзі навокал кажуць: “Набывай усё, што заўгодна! Сьвет круціцца вакол цябе!”, Бог хоча, каб мы давалі, а не спажывалі. У той час, як усё навокал кажа нам: “Кармі сябе”, Бог кажа нам карміць іншых. Бог не стварыў нас дзеля таго, каб мы былі спажыўцамі. Ён стварыў нас дзеля таго, каб мы былі даўцамі. Заміж таго, каб засяроджвацца на ўласных жаданьнях, мы павінны засяроджвацца на патрэбах іншых людзей. Заміж таго, каб сьпяшацца быць першымі ў чарзе, мы павінны чакаць у канцы. Бог стварыў нас дзеля таго, каб мы служылі.

Такое жыцьцё абавязкова зьменіць тваю гісторыю.

Паразважай трохі над гэтым. Гісторыі, якія табе прыемна прыгадваць — гэта гісторыі аб тым, як ты дапамог суседу, паўдзельнічаў у царкоўнай падзеі або зрабіў некаму падарунак. Гэта здараецца таму, што мы былі створаныя дзеля таго, каб служыць, як Ісус на зямлі. Магчыма, што рашэньне служыць ня будзе давацца табе лёгка. Яно не заўсёды даецца лёгка і мне. Але я зразумеў, што служыць не зьяўляецца нечым такім, што мы робім. Нашае пакліканьне — гэта быць слугамі. Бо калі мы служым, то мы становімся як Хрыстос.

Памаліся: Божа, як Ты хочаш, каб я табе служыў? Каму Ты хочаш, каб я служыў? Дзе Ты хочаш, каб я служыў?