Боскі кірунакУзор

Пачні

Штодня мы робім выбары, якія фармуюць гісторыю нашага жыцьця. Як бы выглядала тваё жыцьцё, калі б ты рабіў выбары паводле Божых прынцыпаў? На працягу наступнага тыдню мы пачнём вывучаць сем прынцыпаў з маёй кнігі “Divine Direction”, каб дапамагчы табе знайсьці Божую мудрасьць на штодзённыя рашэньні.

Калі б нехта папрасіў цябе расказаць гісторыю твайго жыцьця, што б ты расказаў?

Ты мог бы пачаць з таго, дзе нарадзіўся і выгадаваўся. Магчыма, ты ўзгадаў бы тваё першае каханьне. Можа быць, ты распавёў бы пра тое, як твая сям’я некуды перасялілася, альбо калі ты перабраўся некуды дзеля вучобы. Калі ты ў шлюбе, дык, магчыма, распавядзеш пра тое, як вы пазнаёміліся. Калі ты ня ў шлюбе, то, магчыма, патлумачыш чаму не. Калі ў цябе ёсьць дзеці, дык, магчыма, пакажаш колькі здымкаў тваёй сям’і на тэлефоне. А можа, ты распавядзеш пра твой прафэсійны шлях. З чаго складаецца твая гісторыя?

У жыцьці бальшыні з нас ёсьць разьдзелы, пра якія мы не жадаем расказваць анікому. Магчыма, ты апынуўся там, дзе ты ніколі не хацеў апынацца. Ты ня меў намеру заваліць справу, але так атрымалася. Ты прыняў рашэньні, якія завялі цябе далей, чымся табе хацелася ісьці. Ты зрабіў рэчы, якія абышліся табе даражэй за тое, што ты думаў табе прыйдзецца плаціць. Ты пакрыўдзіў людзей. Скампрамітаваў свае вартасьці. Парушыў абяцаньні. Нарабіў такіх рэчаў, якіх, здаецца, нельга адрабіць.

Але ж твая гісторыя яшчэ ня скончылася. Ня позна яшчэ зьмяніць гісторыю, якую аднойчы будзеш распавядаць.

Ёсьць добрая навіна: твая гісторыя ня скончылася. Ня позна зьмяніць гісторыю, якую аднойчы будзеш распавядаць. Нягледзячы на тое, што ты зрабіў (або чаго не зрабіў), твая будучыня чыстая. Застаецца больш перамогаў здабыць, больш сяброў сустрэць, больш розьніцы зрабіць, больш Божай дабрыні зазнаць. Незалежна ад таго, ці табе падабаецца цяперашні сюжэт, ці не, з Божай дапамогай ты можаш перарабіць тваю гісторыю ў такую, аб якой ня сорамна будзе расказваць іншым.

Вось адзін спосаб перарабіць тваю гісторыю: пачні рабіць нешта новае.

Нягледзячы на сумнеў, страх або параліч, што ты адчуваеш, твая гісторыя працягваецца. Што ты пачнеш рабіць сёньня? Штодня маліцца за сужэнца? Штодня чытаць біблійныя пляны чытаньня ў YouVersion? Хадзіць да псыхоляга, каб працаваць над нявырашанымі праблемамі? Жыць больш велікадушна? Добраахвотнічаць у царкве або ў супольнасьці? Занатуй тое зараз. Вазьмі нататнік ды запішы твае думкі. Не аналізуй усё гэта зашмат. Проста адвядзі хвілінку на тое, каб занатаваць. Проста адзін сказ або два.

Спытай сябе: Што мне трэба пачаць рабіць, каб рухацца ў напрамку жыцьцёвай гісторыі, якую я хачу расказаць?

Даведайся больш пра маю кнігу “Divine Direction”.

Гэты плян чытаньня быў адаптаваны з кнігі “Divine Direction” з дазволу Zondervan. Зьмест быў зьменены дзеля сьцісласьці.