Штуршок радасціУзор

Яшчэ ніколі за ўсю гісторыю Іудэйскай зямлі не было настолькі добра падрыхтаванай арміі, як армія Іясафата. Яны сканцэнтравалі сваю ўвагу на Госпадзе! Яны былі ў Доме Божым! Яны пасціліся і маліліся! Яны схіляліся перад Богам, пакланяючыся Яму! Іх пераможны вокліч можна было пачуць яшчэ да пачатку бітвы! Пакуль людзі пад кіраўніцтвам Іясафата спявалі і ўсхвалялі Бога, Бог змагаўся за іх. Божыя прынцыпы ніколі не мяняюцца, і калі вы праводзіце сваё жыццё ў спевах і праслаўленні Бога, Ён будзе змагацца за вас. Вы верыце гэтаму? Калі так, вы будзеце праводзіць менш часу ў хваляваннях і больш часу ў пакланенні Богу! Калі вы сапраўды верыце у гэты прынцып, апісаны ў 2-ой кнізе Параліпаменон, вы будзеце праводзіць больш часу ў праслаўленні Бога і менш часу ў пустых размовах. Калі мы кіруемся Божымі прынцыпамі і ідзем шляхамі, якія апісаны ў Бібліі, мы заўсёды будзем пераможцамі, таму што мы служым Богу, Які заўсёды вядзе нас да перамогі! Гэты народ, які быў акружаны ворагамі, тры дні збіраў здабычу, і ўсё роўна яе было больш, чым яны маглі панесці. Бог багаты ласкаю да тых, хто моліцца Яму ў самыя адчайныя моманты свайго жыцця. Бог заўсёды дае больш, чым просіць і чаго чакае ад Яго Ягоны народ, калі мы выбіраем пакланяцца Яму замест таго, каб плакаць. Народ вярнуўся з радасцю ў Іерусалім... яны былі ў вялікім спакоі... і Бог дам ім спакой з усіх бакоў. Гэта лепш, чым жыць доўга і шчасліва, хіба не так?!