Сьвятая мітусьня: Жыцьцё, поўнае цяжкае працы й добрага адпачынкуУзор

Я паходжу з роду працавітых жанчынаў і робячы тое, што люблю, я спадзяюся, што мая дачка навучыцца гнацца за сваімі марамі, цяжка працаваць ды слухацца Бога, куды б Ён яе ні паклікаў. Спадзяюся, што яна навучыцца ад мяне, што сьвятая мітусьня азначае цалкам аддаваць сябе справе, якую нам даручылі, і адначасова знаходзіць сваю вартасьць у Тым, Хто стварыў нас на тую справу. Нашая праца мае вартасьць, і ўсё тое, што мы робім, каб служыць Богу, нашым суседзям ды нашым сем’ям, зьяўляецца важным - але гэта нас не характарызуе.

Сьвятое Пісьмо шмат што кажа пра вартасьць працы:

Павал напісаў ліст да Эфэсцаў з напамінам пра тое, што Бог прыгатаваў для Сваіх дзяцей добрыя ўчынкі, і што Ён стварыў нас на тое, каб мы іх выконвалі. (Эфэсцаў 2:10)

У іншым сваім лісьце Павал раіць Карынцянам быць непахіснымі, мець рупнасьць у Госпадавай справе, ведаючы, што праца, зробленая дзеля Бога не зьяўляецца дарэмнаю. (1 Карынцянаў 15:58)

У Выслоўях 31 жанчына ахвотна працуе сваімі рукамі; яна набывае й прадае зямлю з уласных заробкаў; стварае; садзіць; кіруе. (Выслоўі 31:10-31)

Дэвора рабіла судзьдзёю і, фактычна, камандавала войскам. (Судзьдзяў 4-5)

Паразважай аб тваіх думках - добрых і благіх - наконт тваёй працы. Што твой унутраны маналёг кажа табе пра заданьні, якія ты выконваеш штодня? Ці ты адчуваеш, што твая праца мае вартасьць? Ці ты думаеш, што яна “нічога ня вартая” ў параўнаньні з працай, абавязкамі ды ролямі іншых? Ці ты адчуваеш, што ты марнуеш час, утаропваючыся ў кампутарны манітор, у той час як твая сям’я мае патрэбу ў табе, або ці ты непакоісься, што ты не праводзіш дастаткова часу з тваёю сям’ёю? Як ты, агулам кажучы, адчуваеш сябе, калі думаеш пра тваю працу - добра, дрэнна, вінавата, абыякава?

Нашая праца мае вартасьць, калі мы робім яе дзеля Божае славы ды з радасным сэрцам. Калі Ён кліча нас працаваць - дзе б гэта ні было і як бы тая праца ні выглядала - гэта таму, што тое зьяўляецца часткаю Ягонага пляну для нас, часткаю Ягонага дызайну на нашае служэньне Яму і любоў да нашых блізкіх.