Жыцьцёвыя правілы, якіх варта прытрымліваццаУзор

Падмацаваныя Ягонай прысутнасьцю

Жыцьцёвае правіла нумар 4: Усьведамленьне Божай прысутнасьці дае нам сілу працаваць.

Калі вы хрысьціянін, то Ісус Хрыстос зьяўляецца загадчыкам на вашым месцы працы — і Ён ня проста назірае за вамі здалёк, Ён знаходзіцца побач з вамі. Мы з вамі павінны працаваць поўны працоўны дзень, незалежна ад таго, ці мы думаем, што начальства справядлівае альбо не. У рэшце рэшт, мы служым Ісусу, і Ён заўсёды прысутны. Мы з вамі павінны прыкладаць усе стараньні, бо Сьвяты Дух жыве ў нас, і Ён дапамагае нам і дае нам сілу.

Мы прызвычаіліся дзяліць жыцьцё на сэгмэнты, і ў гэтым ляжыць нашая вялікая памылка. Мы думаем, што ад панядзелку да пятніцы мы ходзім на працу, у суботу мы гуляем, а ў нядзелю мы праслаўляем Бога. Але гэта не зьяўляецца Божым дызайнам жыцьця. Калі Ісус Хрыстос — наш Збаўца, дык мы ня можам выдаліць Яго з аніводнай часткі нашага жыцьця. Выкладаць у нядзельнай школе ад усяго сэрца, а потым бязмэтна працаваць рэшту тыдня — няправільна. Мы павінны шанаваць і славіць Яго праз усё, што мы робім. Калі мы цалкам аддаемся Ісусу, тое выдаляе спакушаньне працаваць папросту каб тое заўважылі людзі (Мацьвея 6:24).

Ці я хачу сказаць, што вашая нерэлігійная праца таксама зьяўляецца Божай справай? Так! Служэньне — гэта ня толькі тое, што вы робіце ў царкве. Вы славіце Бог штодня: у нядзелю вы робіце тое ў царкве, а ад панядзелка да пятніцы вы дэманструеце сваю адданасьць Яму, добра выконваючы ўсе вашыя заданьні на працы. Тое, што вы зьяўляецеся Божым дзіцём дадае лепшы выгляд вашым дзеям, і ваш офіс або месца працы павінна быць лепшым, бо вы знаходзіцеся там.

Вы служыце Госпаду Хрысту (Каласянаў 3:24). Ці вы зьяўляецеся добрым сьведчаньнем для Яго на рынку працы? Ці вы зьяўляецеся адным з найадданейшых працаўнікоў ў вашай фірме, бо вы служыце Богу? Ці вашае стаўленьне адлюстроўвае радасьць, якую вы маеце, бо лічыце Яго за вашага сапраўднага гендырэктара? Калі вы адказалі “так” на гэтыя пытаньні, то вы сапраўды выкарыстоўваеце вашую працу як найлепш.