Жыцьцёвыя правілы, якіх варта прытрымліваццаУзор

Недарэчная воля Бога

Жыцьцёвае правіла нумар 5: Бог не патрабуе ад нас разумець Ягоную волю. Ён патрабуе, каб мы папросту яе слухаліся, нават калі яна падаецца недарэчнай.

Ці часта вы цікавіцеся, чаму Бог не адказвае на вашыя малітвы, альбо чаму, нягледзячы на вашыя стараньні, вашыя жыцьцёвыя абставіны ўсё яшчэ не зьмяніліся? Магчыма, што адказ на гэта ляжыць у вашым паслушэнстве Богу. Чаканьне таксама можа азначаць, што Бог жадае, каб вы супакоіліся, даверыліся Яму ды чакалі Ягонага знаку рушыць.

Калі мы абіраем шлях паслушэнства, то мы павінны быць падрыхтаванымі да любога адказу, які мы атрымаем (як да станоўчага, так і да адмоўнага), ведаючы, што Бог мае выдатныя прычыны на свае загады й што Ён дапамагае нам незвычайнымі спосабамі. Мы не павінны засяроджвацца на рэчах або людзях, якія намагаюцца адцягнуць нашую ўвагу ад выкананьня Божае волі. Сьвяты Дух робіць нас здольнымі слухацца кожнага Божага загаду й заўсёды накіроўвае нас у найлепшым напрамку. Таму на ўсё тое, што б Ён ні патрабаваў ад нас — балючае або радаснае, прыбытковае або якое дорага абыходзіцца, недарэчнае альбо дзіўнае — наш нябесны Бацька дасьць нам здольнасьць ды сілу быць вернымі, нягледзячы на тое, што думаюць іншыя або якімі падаюцца нам нашыя абставіны.

Паслушэнства мусіць стаяць на першым месцы ў жыцьці кожнага верніка. Гэта адзіны спосаб стаць тым чалавекам, якім Бог хоча, каб вы сталі, і адзіны спосаб дасягнуць тых рэчаў у жыцьці, якія Ён так дзівосна падрыхтаваў дзеля вас. Менавіта Сьвяты Дух дае вам здольнасьць хадзіць прад Госпадам у Ягонай моцы ды сіле.

Дык абярыце слухацца Яго, нават калі вы не разумееце, чаму Ён просіць, каб вы зрабілі тое ці іншае. Верце, што Ягоныя інструкцыі — вам на дабро (Ераміі 29:11). Гэткім чынам вы зможаце стаць чалавекам, якім Ён жадае вас бачыць, выканаць працу, якую Ён хоча, каб вы выканалі, прынесьці плод, які Ён хоча, каб вы прынесьлі, ды атрымаць усе дабраславеньні, якія Ён падрыхтаваў дзеля вас.