Жыцьцёвыя правілы, якіх варта прытрымліваццаУзор

Закон сеяньня ды пажынаньня

Жыцьцёвае правіла нумар 6: Вы пажынаеце тое, што вы сееце, болей за тое, што вы сееце, і пазьней, чым вы сееце.

Сёньняшні дзень ёсьць бацькам заўтрашняга дня.

Чалавек, якім вы зьяўляецеся сёньня, зьяўляецца рэзультатам таго, што вы думалі ды як вы жылі ў мінулым. Тыя, хто дзеюць мудра сёньня, будуць мець мудрасьць у будучыні, каб прымаць разумныя рашэньні. Тое самае можна сказаць і пра фінансавыя справы. Тыя, хто сёньня мудра ашчаджаюць, будуць мець дастатак заўтра. Тыя, хто марнатравяць сёньня, будуць мець мала або зусім нічога ў будучыні. Непрадбачлівы чалавек думае толькі пра «цяпер» ды робіць самы мінімум, а ў дзень выплаты ён ня зможа пазьбегнуць дрэннай якасьці ды малой колькасьці сваіх узнагародаў. Ізраільскі народ навучыўся гэтаму вельмі асабістым чынам. Яны былі ўпартыя і ім не ўдавалася рабіць тое, што Бог загадваў, і тое часта прыводзіла да страты дабраславеньняў, якія Бог хацеў ім даць.

У Сьвятым Пісьме Госпад дае правілы, якія служаць у якасьці папярэджваньняў ды падбадзёрваньняў. У Галятах 6:7 напісана: «Не падманвайцеся, з Бога не пасьмяешся. Бо што чалавек сее, тое й будзе жаць». Кожны земляроб выдатна разумее гэтае правіла: мы жнем тое, што сеялі, болей за тое, што сеялі, і пазьней, чым сеялі.

Для тых, хто сее добрыя звычкі, гэта добрая навіна. Але тое можа быць жахлівай думкай для тых, хто цяпер займаецца такімі бязбожнымі заняткамі, як прыкладам: праміскуітэт, злоўжываньне наркотыкамі ды алькаголем, занядбаньне сям’і, альбо зьняважлівасьць да іншых з мэтай дабіцца большага посьпеху. Мы ня можам сеяць пустазельле ды чакаць, каб вырасьлі ананасы. Мы ня можам сеяць непаслушэнства Богу, ды чакаць Ягоных дабраславеньняў. Мы жнем тое, што мы пасеялі. Не ашуквайма саміх сябе: мы пажнем ураджай нашага жыцьця.

Тое правіла суцяшае ды падбадзёрвае тых, хто верна працуе ў цяжкіх абставінах. «Бо што чалавек сее, тое й будзе жаць». Вернасьць у такіх абставінах дасьць багаты ўраджай у будучыні, бо наш нябесны Бацька заўсёды трымае Свае абяцаньні.