Жыцьцёвыя правілы, якіх варта прытрымліваццаУзор

Пачуцьцё захапленьня ад спадзяваньня на Бога

Жыцьцёвае правіла нумар 9: Спадзявацца на Бога азначае глядзець па-за тое, што мы бачым, каб убачыць тое, што бачыць Бог.

Раней ці пазьней кожны з нас будзе перажываць гіганцкія выпрабаваньні й цяжкасьці. З гэтае прычыны мы мусім ведаць, як адказваць на кожную пагрозу, хапаючыся за пераможную веру, якая глядзіць па-за тое, што мы бачым, каб убачыць тое, што бачыць Бог.

Падчас надзвычайнага ціску Бог расьцягвае нашую веру ды паглыбляе нашую залежнасьць ад Яго. Бяз моцнай, цярплівай веры, мы можам даволі хутка паддацца спакусе ды страху, асабліва калі выпрабаваньне або цяжкасьць зьяўляюцца напружанымі або падоўжанымі.

Які б Галіяф не стаяў перад вамі, вы мусіце верыць у наступнае ўсім сваім сэрцам: Бог любіць вас, і калі вы кладзяцё вашую надзею на Яго, то Ён дапаможа вам трыюмфаваць. Магчыма, што вы неаднаразова пацерпіце няўдачу. Жыцьцё не заўсёды выйдзе так, як вы плянавалі былі. Але ў канчатковым выніку Бог будзе праслаўлены і вы атрымаеце дабраславеньне.

Кожная праблема дае магчымасьць Госпаду прадэманстраваць Сваю вернасьць ды любоў. Заміж таго, каб здавацца думкам аб страху ды няўдачы, абярэце спадзявацца на Бога, нават калі вы ня ведаеце, што прынясе з сабой заўтрашні дзень. Навучэцеся глядзець па-за тое, што вы бачыце, каб убачыць тое, што бачыць Бог.

Як вы можаце набыць такую веру?

• Прыгадайце мінулыя перамогі.
• Адмоўцеся прымаць словы, які абезнадзейваюць вас.
• Вызначце сапраўдную рэчаіснасьць змаганьня.
• Адкажэце на цяжкасьці станоўчым вызнаньнем.
• Спадзявайцеся на Божую моц.
• Разьлічвайце на перамогу.

Вы можаце адважна сустракаць любыя абставіны з упэўненасьцю ды надзеяй, бо перамога не прыходзіць праз вашую моц, энэргію або сілу. Трыюмф надыходзіць праз здольнасьць Хрыста. І калі вы спадзеяцеся на Яго, то вы маеце доступ да неадольнае сілы, якую ніхто і нішто ня здолее перамагчы.