Жыцьцёвыя правілы, якіх варта прытрымліваццаУзор

Ключ да трывалага супакою

Жыцьцёвае правіла нумар 12: Божы супакой прыходзіць ад адзінства з Богам.

Праўда ў тым, што ў кожным жыцьці час ад часу абавязкова ідзе прынамсі невялічкі дождж. Ніхто ня вызвалены ад цяжкасьцяў, якія заўсёды зьяўляюцца тады, калі мы іх найменш чакаем. І, пэўна, адно зь першых пытаньняў, што прыходзяць у галаву, калі здараецца бяда – гэта «Чаму?» Мы нават пачынаем непакоіцца аб тым, як тое паўплывае на нашае жыцьцё. У той час, як гэткія рэакцыі зьяўляюцца абсалютна нармальнымі, мы адначасова павінны рэагаваць адрозна – зьвяртаючыся да Таго, Хто ёсьць надзейнай крыніцай суцяшэньня ды бясьпекі.

Апостал Павал дае нам такую раду: «не турбуйцеся ні пра што, але ўва ўсякай малітве і просьбе з падзякай няхай адкрываюцца жаданьні вашыя перад Богам, і супакой Божы, які вышэй за ўсякі розум, няхай захавае сэрцы вашыя і думкі вашыя ў Хрысьце Ісусе». (Піліпянаў 4:6-7).

Як мы можам зьмяніць пачуцьцё трывогі, калі мы апынаемся пад ціскам? Адзін зь першых крокаў – гэта зразумець, што трывога адваротная супакою. Яна як смала, якая распальвае мацней агонь сумневу ды разгубленасьці, і яна можа пакінуць нас бездапаможна ахутанымі згрызотай ды страхам. Калі мы паддаемся трывожным думкам, то мы губляем наш духоўны фокус ды мэнталітэт. Ключ да пераадоленьня трывогі знаходзіцца толькі ў Божай прысутнасьці.

Калі мы пагаджаемся прыняць Божы расклад ды межы, у якія Ён месьціць дадзеныя абставіны, то гэта дапамагае разьвейваць трывогу. Дык дазвольце Яму забясьпечыць вас у Ягоны час. Калі вы ўважаеце жыцьцё за Божы падарунак, то вы знойдзеце ласку ды мілату, прабачэньне й надзею, супакой ды вечную бясьпеку.

Няхай Ягоны супакой поўніць вашае сэрца сёньня й штодня. Раскажэце Яму пра тое, як вы сябе адчуваеце. Бог разумее й ведае, што жыцьцё можа быць складаным – але Ён таксама ведае вырашэньне. Наш супакой знаходзіцца ў нашым Збавіцелі, Які любіць нас безумоўна. І Ён паабяцаў даглядаць за намі й давесьці нас да ласкавых рук Бацькі.