Жыцьцёвыя правілы, якіх варта прытрымліваццаУзор

Бог дзее на нашую карысьць

Жыцьцёвае правіла нумар 14: Бог дзее на карысьць тых, хто Яго чакае.

У гэтым хуткацечным жыцьці чаканьне любога тыпу можа даволі часта прымусіць нас страціць самавалоданьне ды розум. Але Божае Слова сьцьвярджае, што, пакуль мы чакаем, мы засвойваем найважнейшыя ўрокі жыцьця. І хоць чаканьне амаль што заўсёды даецца цяжка, Бог абяцае ўзнагародзіць тых, хто Яго чакае.

Калі мы чакаем Бога...

• Мы адкрываем для сябе Ягоную волю.

Бог ніколі не спазьняецца адказаць на нашае жаданьне ведаць, што Ён накіроўвае наш рух. Нават калі мы чакаем, Ён паказвае нам Сваю волю й робіць так, што ўсё нам спрыяе на добрае дзеля Ягонае славы (Рымлянаў 8:28).

• Мы атрымліваем звышнатуральную энэргію ды моц.

У той час, як Бог паглыбляе нашыя зь Ім узаемаадносіны праз гэныя часы чаканьня, Ён таксама павялічвае нашую энэргію, веру, трываласьць ды сілу (Ісаі 40: 29-31).

• Мы перамагаем у бітве.

Калі мы дзеем як і калі нам заўгодна, то ў рэзультаце мы церпім паразу. Але калі мы чакаем Бога ды прытрымліваемся Ягоных інструкцыяў, то Ён гарантуе нам перамогу (Выслоўі 20:22).

• Мы бачым ажыцьцяўленьне нашае веры.

Нягледзячы на тое, што іншыя людзі могуць радзіць нам рушыць заміж таго, каб чакаць Госпада, мы павінны памятаць, што толькі Ён здолее сапраўды дапамагчы нам, і Ён ніколі не падвядзе нас (Ісаі 49:23).

• Мы становімся сьведкамі таго, як Ён дзее на нашую карысьць.

У той час, як мы актыўна чакаем, Бог актыўна дзее (Ісаі 64:4). Штодня найлепшы Пасярэднік дзее на нашую карысьць. І нават калі падаецца, што ўсё ідзе ня так, Ён упэўніваецца, каб усё атрымалася згодна зь Ягонай мэтай. Вось якое цудоўнае абяцаньне!

Хоць чаканьне й можа быць адной з самых складаных рэчаў у жыцьці хрысьціяніна, яно ніколі не зьяўляецца марнаваньнем часу. У той час, як мы актыўна чакаем, Бог дае нам інструкцыі, дапамагае нам ісьці ў такт зь Ягонай воляй, рыхтуе нас да Сваіх адказаў і выкарыстоўвае гэты час, каб разгледзець нашыя матывы ды падмацаваць нашую веру. Калі мы абіраем чакаць Бога, то Ён выкарыстае доўгія паўзы ў нашым жыцьці, каб дабраславіць нас, – багата ды нечакана – калі мы дазволім Яму.