Жыцьцёвыя правілы, якіх варта прытрымліваццаУзор

Ахвяра або пераможца?

Жыцьцёвае правіла нумар 18: Як дзеці сувэрэннага Бога, мы ніколі не бываем ахвярай нашых абставінаў.

Жыцьцё не зьяўляецца простым. Па дарозе нам часта трапляюцца калдобіны ды павароты. Выперадкі сапраўдныя, бітва працягваецца, і балючыя перажываньні могуць параніць нашыя сэрцы. Але нашыя абставіны ня мусяць вызначаць нас альбо нашую рэакцыю. Як вернікі, мы павінны шанаваць Госпада Ісуса нашымі паводзінамі ў кожнай сытуацыі, і нашая таясамасьць павінна заўсёды быць заснаванай на збаўленьні, якое Ён даў нам.

Бог ведае, што жыцьцё хрысьціяніна ня ёсьць простым. Калі вы прынялі Госпада Ісуса ў якасьці вашага Збаўцы, Ён паставіў вас на шлях. Як сувэрэнны Госпад, Ён намаляваў на карце ўсё калдобіны, павароты, аб’езды, узгоркі й даліны. Ён ужо тады ведаў цяжкасьці, якія вы будзеце перажываць. Ён разумеў, што вы бесьперапынна будзеце канфліктаваць са сьветам, з плоцьцю й д’яблам, пакуль вы не апыніцеся дома зь Ім. Але Ён ня проста паставіў вас на шлях, спадзеючыся, што вы самі здагадаецеся, куды ісьці. Ён паслаў Сьвятога Духа, каб Ён жыў у вас, накіроўваў ды падбадзёрваў вас. Трываласьць патрабуе чагосьці такога, што не даецца лёгка – даверу вашаму нябачнаму, сувэрэннаму Богу. Але з дапамогай Сьвятога Духа, Які нагадвае вам пра Ягоную вернасьць ды моц (Яна 14:26), вы можаце заставацца адданымі Яму.

Калі становіцца цяжка ісьці, – і такое абавязкова здарыцца – вы ня можаце ўцячы. Вы ня можаце кінуць гэтую справу. Чым даўжэй вы слухаецеся Госпада, нягледзячы на абставіны, тым мацней становіцца вашая вера. Вы падрыхтаваныя да таго, каб служыць болей ды лепей. Вы становіцеся моцнымі, адданымі ды непахіснымі.

Той, Хто вытрываў на крыжы жыве ў вас, таму вы маеце ўсё патрэбнае, каб выканаць усё тое, што Ён заклікае вас рабіць. Дык папрасеце Яго напоўніць вас сілай ды мудрасьцю, а потым выконвайце ўсё, што Ён вам загадае. Памятайце, вы ніколі не зьяўляецеся ахвярай абставінаў, бо ваш сувэрэнны Бог можа выкарыстаць кожнае здарэньне, каб дабраславіць вас і праславіць Сябе.