Жыцьцёвыя правілы, якіх варта прытрымліваццаУзор

Стаяць высокім ды моцным праз малітву

Жыцьцёвае правіла нумар 17: Мы стаім найвысачэйшымі ды наймацнейшымі на каленях.

Малітва – вельмі магутная прылада для вернікаў. Празь яе Госпад дабраслаўляе нас ды вызваляе нас ад прыгону. Малітвай мы прызнаем нашую патрэбу ў Хрысьце і просім Яго дапамагчы нам вырашыць праблемы. Мы таксама вучымся пакланяцца Яму ды расьці духоўна ў Ягонай ласкавай прысутнасьці.

Па меры таго, як мы праводзім час з Богам, Ён ласкава вучыць нас размаўляць зь Ім ды чуць Ягоны ціхі, спакойны голас. Праз усё гэта мы паглыбляем нашыя зь Ім узаемаадносіны.

Каб стварыць моцнае малітвеннае жыцьцё, патрэбна некалькі рэчаў:

1. Вызначаны час – Выберыце канкрэтны час, калі вы будзеце спаткацца з Госпадам у малітве. Зраньня ці ўвечары – ня важна. Важна рабіць гэта рэгулярна. Папрасеце Бога паказаць вам найлепшы час на спатканьне.

2. Канкрэтнае месца – Выберыце месца, дзе вы зможаце быць зь Ім сам-насам. Хоць у вас можа і ня быць многа варыянтаў куды пайсьці, каб быць з Госпадам сам-насам, Ён забясьпечыць найлепшае месца шукаць Яго.

3. Забавязаньне маліцца – Забавяжэцеся маліцца штодня. Дазвольце Богу ведаць, што вашае сэрца адкрытае, і што вы хочаце даведацца больш пра Яго і пра тое, што Ён заплянаваў дзеля вас.

4. Дзёньнік на просьбы ды адказы – Занатоўвайце просьбы ды як Бог адказвае на вашыя малітвы, каб у вас засталося пастаяннае сьведчаньне аб Ягонай працы ў вашым жыцьці. Занатоўвайце таксама канкрэтныя вершы зь Бібліі, якія Ён прымяняе да вашае сытуацыі, ды абяцаньні, якія Ён дае вам са Свайго Слова.

Заўсёды памятайце, што Бог мацнейшы за ўсе вашыя праблемы. Адлегласьць паміж посьпехам ды няўдачай (альбо перамогай ды паразай) – гэта адлегласьць паміж вашымі каленямі ды падлогай, калі вы становіцеся на калені перад Збаўцам, скараючыся ў малітве. Вы стаіце найвысачэйшымі ды наймацнейшымі на каленях у малітве! Бог ведае шлях, што ляжыць перад вамі, і Ён здолее падтрымаць вас у любых цяжкасьцях, калі вы толькі даверыцеся Яму.