Жыцьцёвыя правілы, якіх варта прытрымліваццаУзор

Хаджэньне ў Сьвятым Духу

Жыцьцёвае правіла нумар 22: Хадзіць у Духу азначае слухацца пабуджэньняў Сьвятога Духа.

Да каго вы ідзяце раіцца, як жыць вашае жыцьцё альбо якія рашэньні прымаць?

Біблія вучыць нас, што Сьвяты Дух зьяўляецца адзіным павадыром, якому варта давяраць. Ён цалкам ведае нашае мінулае і нашую будучыню, ад гэтага дня да вечнасьці. Ён ведае Божы плян і Божую мэту для кожнага з нас, і Ён ведае, што зьяўляецца добрым ды адпаведным для нас.

Ісус неаднаразова назваў Сьвятога Духа «Духам праўды» і сказаў нам: «Калі ж прыйдзе Ён, Дух праўды, дык наставіць вас на ўсякую праўду: бо не ад Сябе будзе гаварыць, а будзе гаварыць, што пачуе, і будучыню агалосіць вам» (Яна 16:13). Менавіта Дух праўды заўсёды падказвае нам, што б сказаў або зрабіў Ісус на нашым месцы ў дадзены момант.

Бог хоча, каб мы ведалі што і калі рабіць, і мы можам поўнасьцю даверыцца Ягонаму Духу весьці нас у гэтым. Але існуюць пэўныя ўмовы адносна настаўленьняў Сьвятога Духа ў нашым жыцьці.

Па першае, мы мусім заўсёды паддавацца Сьвятому Духу. Мы мусім казаць «так», калі Ён пабуджае нас сказаць альбо зрабіць нешта. Мы мусім пагаджацца розумам на напрамак, які дае Сьвяты Дух, а потым сапраўды выконваць тое, да чаго Ён нас пабуджае.

Па другое, мы мусім верыць у Ягонае настаўленьне. Калі мы актыўна чакаем, каб Сьвяты Дух прамовіў, то мы маем большы шанец пачуць Яго. Калі мы шукаем Сьвятога Духа, то мы маем большы шанец убачыць кірунак, які Ён дае нам. Габрэяў 11:6 кажа нам, што Бог «дае нагароду тым, хто шукае Яго». Мы павінны рупліва шукаць Ягонага настаўленьня, прасіць яго, пільнаваць яго, чакаць яго й прымаць яго.

Сьвяты Дух прыйшоў, каб паказаць нам праўду. Ён прыйшоў поўнасьцю здатны да таго, каб паведаміць нам тое, што нам неабходна ведаць дзеля таго, каб жыць у паслушэнстве й веры. Дазвольце Яму весьці вас, цяпер ды заўжды.