Атрымаць прыкладаннеЖыцьцёвыя правілы, якіх варта прытрымліваццаУзор
Малітва зьберагае нам час
Жыцьцёвае правіла нумар 27: Малітва зьберагае нам час як нішто іншае.
Перамены ніколі не даюцца лёгка, асабліва тады, калі тое, што мы вырашаем, уплывае на іншых людзей. Перамены азначаюць, што будуць прымацца важныя рашэньні, — і гэта ў сваю чаргу прыносіць магчымасьць жахлівых памылак ды працяглых наступстваў. Калі мы прымаем тыя рашэньні, не шукаючы найперш Божага кіраўніцтва, то няшчасьце будзе непазьбежным. Але калі мы молімся Богу, скараючыся Ягонай волі ды просячы Яго даць нам накірунак, то Ён дзее дзівосным спосабам, дапамагаючы нам.
Малітва заўсёды зьберагае нам час як нішто іншае. Госпад дакладна ведае, што вам патрэбна, і Ён заўжды адкажа на вашую малітву найлепшым для вас чынам. Таму праводзьце час, слухаючы Яго, атрымліваючы Ягоную мудрасьць ды кірунак і паглыбляючыся ў Ягоную прысутнасьць ды моц. Супакойцеся ў Ягонай прысутнасьці, адпачнеце ў Ім ды дазвольце Яму накіраваць вашыя крокі. Ён ня дасьць вам пайсьці ў няправільным накірунку або марнаваць ваш час, робячы бескарысныя рэчы.
Ці вы згодныя спыніцца ды паслухаць Яго? Ці вы гатовыя да таго, каб Ён зрабіў вас найурадлівейшай вэрсіяй вас? Тады, нягледзячы на тое, што вы перажываеце, аддайце сябе Ягонаму раскладу, мудрасьці, забясьпечаньню ды кіраўніцтву праз малітву. Вы ўбачыце, што час, які вы праводзіце зь Ім — гэта найлепшае ўкладаньне, якое вы можаце зрабіць.
Сьвятое Пісьмо
Аб гэтым плане
На працягу свайго служэньня, якое доўжылася больш за 60 гадоў, Чарльз Стэнлі акуратна вылучыў трыццаць правілаў жыцьця, якія вялі яго й дапамагалі яму расьці ў веданьні, служэньні ды любові да Бога. Гэты плян чытаньня дапаможа вам больш грунтоўна дасьледаваць кожнае правіла ды навучыць вас прымяняць іх на практыцы штодзень, у выніку чаго вы зможаце мець жыцьцё ў збытку, якое Хрыстос жадае даць вам.
More
