Жыцьцёвыя правілы, якіх варта прытрымліваццаУзор

Цяжар або мост?

Жыцьцёвае правіла нумар 26: Няшчасьце – гэта мост да глыбейшых адносінаў з Богам.

Навошта Бог дазваляе няшчасьці? Ягоная асноўная мэта – гэта наблізіць нас да Сябе. Ён не атрымлівае асалоду ад болю альбо ад скрухі, але Ён выкарыстоўвае іх, каб навучыць нас Сваёй любові ды вернасьці.

Як толькі прыходзіць бяда, павялічваецца нашая слабасьць, і мы можам пачаць дзівіцца, чаму Бог дазваляе нам перажываць гэткія цяжкасьці. Боль, расчараваньне ды выпрабаваньне зьяўляюцца эфэктыўнымі прыладамі, якімі Ён карыстаецца, каб прывесьці нас да Сябе й да крыжа, дзе мы адкрываем для сябе нашую асабістую патрэбу ў Збавіцелі. Нас ахапляе выразная думка: Мне патрэбны Бог. Нам патрэбна Ягоная моц, мудрасьць ды прабачэньне.

Калі да вас прыходзіць бяда, заўсёды памятайце, што Бог дапускае яе зь нейкае прычыны. Ён ніколі не губляе кантроль. У Яго ёсьць плян і мэта, і ня толькі на дадзеныя абставіны, але й на ўсё вашае жыцьцё. Падчас цяжкасьцяў Ён ёсьць вашай непахіснай моцай (Выслоўі 18:10), і Ён паабяцаў ніколі не пакінуць вас.

Калі прыходзіць бяда, мы павінны перш за ўсё ісьці да Госпада ды прасіць Яго паказаць нам, чаму мы мусім навучыцца з гэтых абставінаў. Магчыма, што спачатку мы будзем змагацца з пачуцьцём недаверу або нязгоды, але мы мусім пераадолець тыя пачуцьці думкамі аб даверу ды веры ў здольнасьць Бога. Пасьля гэтага мы павінны пацьвердзіць нашую адданасьць Яму ды засяродзіць нашую ўвагу на Ім, а не на нашых абставінах.

Ніколі не забывайцеся на тое, што Бог ведае будучыню! Ён разумее карысьць няшчасьцяў ды як яны могуць падмацаваць вашую веру, удасканаліць вашую надзею ды ўладкаваць вашае сэрца ў месцы задаволенасьці ды даверу. Без часоў няшчасьця вы прапусьцілі б магутны досьвед хаджэньня з Богам праз даліны жыцьця.

Дык вырашэце засяродзіць вашую ўвагу на Ісусе. Не дазваляйце адмоўным словам іншых зьбіць вас з дарогі. Заставайцеся блізка да Госпада праз малітву ды пасьвячэньне. Чытайце Ягонае Слова. Ён накіруе вас праз усе цяжкасьці, і тады вы зазнаеце, што значыць жыць у Божым дабраславеньні.