Жыцьцёвыя правілы, якіх варта прытрымліваццаУзор

Чакаючы Гасподняга вяртаньня

Жыцьцёвае правіла нумар 30: Палкае чаканьне Гасподняга вяртаньня дапамагае нам жыць плённа.

Сьвятое Пісьмо дае нам тры парады аб Гасподнім вяртаньні:

1. Мы мусім верна чуваць. Божае Слова радзіць нам стаяць у веры ды быць мужнымі й цьвёрдымі (1 Карынцянаў 16:13), быць пільнымі, апрануўшы панцыр веры й любові ды шалом надзеі збаўленьня (1 Тэсалёнцаў 5:8). У той час, як мы чуваем, мы павінны асабліва заўважаць фальшывых прарокаў, распазнаючы духаў ды адмаўляючыся прымаць тых, хто не прызнае Ісуса Хрыста Богам у целе (2 Пятра 2:1 ды 1 Яна 4:1-2).

Ісус прамовіў Яну ў відзежы ды даў такое цудоўнае абяцаньне ўсім тым, хто застаецца пільным: «Вось, прыходжу, як злодзей. Шчасьлівы той, які чувае» (Адкрыцьцё 16:15).

2. Мы мусім рупліва працаваць. Навошта Ісус пакідае нас на гэтай зямлі пасьля таго, як Ён збаўляе нас? Чаму мы не нараджаемся зноў, а потым неадкладна ідзем у Гасподнюю прысутнасьць? Папросту таму, што мы ўсё яшчэ маем працу выканаць!

Мы мусім быць Гасподнімі сьведкамі, распавядаючы аб Божае любові ды выкупляльнае сьмерці Ісуса Хрыста. Мы таксама павінны сьведчыць іншым аб усім, што Ён зрабіў у нашым жыцьці – як нашымі словамі, так і нашым прыкладам. Пакуль на гэтае зямлі існуе хоць адна душа, якая не пачула яшчэ аб добрай навіне нашага Госпада Ісуса Хрыста, у нас застаецца шмат працы.

3. Мы мусім спакойна чакаць. Госпад загадвае нам не баяцца, а мець супакой больш за чатырыста разоў у Сьвятым Пісьме, і Ён заклікае нас да супакою ў той час, як мы чакаем Ягонага вяртаньня. Біблія вучыць нас, што без Ісуса няма супакою…ні ў чалавечым сэрцы, ні сярод людзей або народаў. Праз Ісуса мы можам зазнаць супакой, які перасягае нашае разуменьне ды зьяўляецца глыбока ўнутры (Піліпянаў 4:7). Мы мусім імкнуцца да гэтага супакою, чакаючы Гасподняга вяртаньня.

Калі Госпад вернецца, ці Ён знойдзе вас у ліку тых, хто любіць Яго ды называе Яго сваім Збаўцам ды Госпадам? Ці Ён застане вас, выконваючы Ягоныя загады, прагнучы ўбачыць Яго ды гатовымі да Ягонага зьяўленьня? Вы можаце абраць адказаць на гэтыя пытаньні станоўча. Дык як вы адкажаце на Божае пакліканьне на вашае жыцьцё?

Ён вернецца – і гэта факт!

Каб даведацца болей пра 30 Жыцьцёвых Правілаў альбо спампаваць дадатковыя матэрыялы, якія дапамогуць вам расьці ў Госпадзе, націсьнеце тутака.