Жыцьцёвыя правілы, якіх варта прытрымліваццаУзор

Перадаючы Божае дабраславеньне

Жыцьцёвае правіла нумар 25: Бог дабраслаўляе нас, каб мы маглі дабраслаўляць іншых.

Бог збавіў вас ды мяне, каб іншыя людзі маглі бачыць праз нас, як Ягоная любоў ды літасьць дзеюць у ды праз чалавечае жыцьцё.

Шмат якія людзі разважаюць, што адзіная падстава для збаўленьня – гэта каб чалавек трапіў на неба, калі ён памірае. Вечнае жыцьцё безумоўна зьяўляецца часткай Божага пляну дараваньня, але яно не зьяўляецца адзінай прычынай нашага збаўленьня. Бог збаўляе нас дзеля таго, каб кожны з нас мог адлюстроўваць Ягоны характар: каб мы маглі быць Ягоным народам на гэтай зямлі, зьдзяйсьняючы ўчынкі, якія Сам Ісус зьдзейсьніў бы, калі б Ён быў на нашым месцы цяпер. Ён жадае паказаць Свой характар праз нашыя індывідуальныя рысы ды здольнасьці.

Калі мы дазваляем Сьвятому Духу дзеяць у нас і праз нас у іншых, то мы становімся дзейнымі пасудзінамі Ягонае любові. Мы пачынаем паказваць іншым Ягоную спагаду, любоў ды літасьць. Робячы тое, мы становімся Ягонымі сьведкамі.

Бог заклікае нас служыць адзін адному так, як тое рабіў Ісус. Ён ня збавіў і не паклікаў вас служыць, каб вас праслаўлялі, ухвалялі, ушаноўвалі або ўзносілі на п’едэстал. Ён збавіў вас, каб вы служылі Яму ды іншым. Калі мы робім тое, мы ўшаноўваем Яго нашым жыцьцём. Найважнейшай рэччу, якую вы можаце зрабіць акрамя прыняцьця Хрыста за вашага Збаўцу, – гэта аддаць вашае жыцьцё Яму ды дазволіць Яму накіроўваць вас штодня.

Некаторыя людзі памылкова думаюць, што тое, што мы робім, ня мае для Бога ніякага значэньня, але тое ня ёсьць праўдай. Ён мае плян дзеля кожнага з нас. Калі мы прымаем рашэньне хадзіць вераю, то Ён пакажа яго нам – і той плян заўсёды ўлучае ў сабе служэньне ды адданасьць Яму й тым, каго Ён прыносіць у нашае жыцьцё.

Бог любіць нас, каб мы маглі любіць іншых. Ён дабраслаўляе нас, каб мы маглі дабраслаўляць іншых. У гэтым заключаецца хрысьціянскае жыцьцё.