Жыцьцёвыя правілы, якіх варта прытрымліваццаУзор

Калі пляны рассыпаюцца ў пыл

Жыцьцёвае правіла нумар 16: Усё, што вы здабываеце па-за Божай воляй, у рэшце рэшт рассыплецца ў пыл.

Наймацнейшае жаданьне кожнага чалавечага сэрца – тое, чаго мы сапраўды прагнем, – гэта ведаць Бога.

Магчыма, што вы не разумееце, што гэтае моцнае жаданьне ёсьць прагай Бога. Насамрэч, вы можаце папросту адчуваць незадавальненьне вашым жыцьцём. Можа ўзаемаадносіны, якіх вы так хацелі й дасягнулі, аказаліся не такімі, як вы іх сабе ўяўлялі. А можа вы маеце ўсё, аб чым вы заўжды марылі, але ўсё адно перажываеце пэрыяды ўнутранага імкненьня да нечага, смутку ды адзіноты.

Незадаволенасьць, няспраўджаныя спадзяваньні, пачуцьцё прыгнечанасьці ды самоты маюць пачатак у тым жа самым месцы: у празе Бога. Стагодзьдзі таму Аўгусьцін напісаў: «Ты стварыў нас дзеля Сябе, і нашыя сэрцы не знаходзяць супакою, пакуль яны не супакояцца ў Табе». Як толькі мы натолім сябе Божай прысутнасьцю, нам становіцца патрэбным нашмат менш за тое, што прапануе сьвет. І калі мы пачынаем адносіны з Госпадам, Ён абяцае паказваць нам больш Сябе, па меры таго, як мы сябруем зь Ім.

Калі вы разьвіваеце вашыя адносіны з Богам і даведваецеся болей аб Ягоным сьвятым характары, то Ён прасьвятляе вашае сэрца ды розум, даючы вам мацнейшае жаданьне знаць Яго больш блізка ды ў працэсе пакідаючы ззаду вашыя цялесныя жаданьні. Вашыя сьвецкія жаданьні папросту ня йдуць у параўнаньне з асалодай, радасьцю ды задавальненьнем, якія прапаноўвае вам Бог. Інакш кажучы, вы назіраеце, як усё, што вы здабываеце па-за Божай воляй, рассыплецца ў пыл, у той час як дабраславеньні, якія Ён дае вам трываюць ды задавальняюць вашую душу.

Такім чынам, мы зноў вучымся таму, што ўсё па-за Божай воляй у рэшце рэшт расчароўвае нас, а Ён поўніць нас сапраўды задавальняючым «шчасьцем навечна» (Псальма 15:11).